३० कार्तिक २०८१, शुक्रबार
२०७५ पुष १५ गते, आईतवार १४:४८ मा प्रकाशित
बंगलादेशमा आइतबार आमनिर्वाचन भइरहेको छ । १० करोड भन्दा बढी मतदाताले आफ्नो मताधिकार प्रयोग गर्दै रहेको उक्त निर्वाचनमा १ हजार ८ सय ४८ उम्मेदवार खडा भएका छन् । जस मध्येबाट २ सय १९ जना सांसद चयन हुने छन् ।
मतदानका लागि ४० हजार मतदान केन्द्र तोकिएको छ । उच्च सुरक्षा सतर्कता अपनाइएको निर्वाचनमा अप्रिय घटना हुन नदिन ६ लाख सुरक्षाकर्मी परिचालन गरिएको छ ।
निर्वाचनमा प्रधानमन्त्री शेख हसिना वाजेद नै फेरि निर्वाचित हुने विश्लषण गरिएको छ । उनले सन् २००९ देखि निरन्तर आफ्नो पकड बलियो बनाएकी छिन् । यसपटक विजयी भए उनको निरन्तर तेस्रो कार्यकाल हुनेछ ।
विपक्षी दलकी नेतृ खालिदा बेगम जिया भ्रष्टाचारको आरोपमा जेलमा रहेकाले शेख हसिना वाजेदको पकड बलियो बनेको हो ।
यी दुई महिला नेतृले जनआन्दोलनको बलमा सन् १९९० मा सैनिक तानाशाह हुसेन मोहमद एर्सादलाई सत्ताच्यूत गरी लोकतन्त्र पुनस्र्थापना गरेका थिए ।
त्यसपछि दुईबीच कडा टक्कर रहँदै आएको छ । हसिनाले जियालाई विभिन्न आरोपमा जेल कोचेपछि एकछत्र राज गर्दै आएकी छिन् ।
अवामी लिग पार्टीकी प्रमुख हसिना बंगलादेशका पिता एवं प्रथम राष्ट्रपति शेख मुजिबुर रहमानकी पुत्री हुन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
