९ मंसिर २०८१, आईतवार
२०७५ पुष २३ गते, सोमबार १४:०० मा प्रकाशित
चीन र संयुक्तराज्य अमेरिकाबीच “व्यापार युद्ध”कै रुप लिएको व्यापार तनाव अन्त्य गर्ने उपायको खोजी गर्न अमेरिकी टोली चीन आइपुगेको छ । अमेरिकी व्यापार प्रतिनिधि जेफ्री गेरिसको नेतृत्वमा रहेको अमेरिकी प्रतिनिधिमण्डलले वार्ताका बारेमा संवाददाताहरुलाई थप विवरण दिन अस्वीकार गरेका छन् ।
अमेरिकी राष्ट्रपति डोनाल्ड ट्रम्पले महिनौंदेखि जारी विवाद अन्त्य गर्न सम्झौता हुने विश्वास व्यक्त गरेका छन् । विश्वकै अर्थतन्त्रमा अस्थिरता ल्याउने सम्भावना रहेका चीन र अमेरिका दुबैले एकअर्का देशका ३०० अर्ब अमेरिकी डलर बराबरका सामानमा करवृद्धि गरेका छन् ।
“मेरो विचारमा हामीले चीनसँग नयाँ व्यापार सम्झौता गर्नेछौं,” राष्ट्रपति ट्रम्पले शुक्रबार भनेका छन् । “राष्ट्रपति सी जिनपिङ पनि व्यापार सम्झौताप्रति प्रतिबद्ध हुनुहुन्छ, र म पनि छु ।” बेइजिङ आइपुगेको अमेरिकी प्रतिनिधिमण्डलमा अमेरिकी अर्थ, बाणिज्य, कृषि र ऊर्जा मन्त्रालयका अधिकारीहरु पनि सहभागी छन् ।
अमेरिकी राष्ट्रपति ट्रम्प र चिनीया राष्ट्रपति सी जिनपिङबीच तीन महिने युद्धविराम गर्ने सहमति भएसँगै वार्ताको प्रक्रिया शुरु भएको हो । अमेरिकी व्यापार प्रतिनिधिमण्डल चीन आएसँगै विश्व शेयर बजारमा सकारात्मक प्रभाव परेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
