१३ आश्विन २०८३, मंगलवार
२०८३ आश्विन १३ गते, मंगलवार १०:३७ मा प्रकाशित
म्यानमार सेनाले पश्चिमी राखाइन राज्यको एउटा बजारनजिक सोमबार गरेको हवाई आक्रमणमा कम्तीमा ४९ जनाको मृत्यु भएको छ । ५८ जना घाइते छन् । आक्रमणका बेला बजारमा व्यापारी र ग्राहकको बाक्लो भीड रहेको जनाइएको छ ।
आक्रमणपछि बजार क्षेत्रबाट धुवाँको मुस्लो उठेको देखिने तस्बिर सामाजिक सञ्जालमा सार्वजनिक भएका छन् ।
अराकान आर्मीले मंगलबार जारी गरेको वक्तव्यमा आक्रमणका निम्ति जिम्मेवार व्यक्ति र संगठनविरुद्ध चाँडै जवाफी कारबाही गर्ने चेतावनी दिइएको छ । उसले हवाई आक्रमण नियतवश गरिएको र ठूलो संख्यामा सर्वसाधारण मारिएको आरोप लगाएको छ ।
सन् २०२१ फेब्रुअरी १ मा म्यानमारमा सेनाले आङ सान सुकी नेतृत्वको निर्वाचित सरकारलाई अपदस्थ गरेपछि देशव्यापी विरोध प्रदर्शन सुरु भएको थियो । सुरक्षा बलको दमनपछि सैन्य शासनका धेरै विरोधी सशस्त्र युद्धमा प्रवेश गरे । त्यसयता देशका विभिन्न क्षेत्रमा लडाइँ जारी छ ।
अराकान आर्मी राखाइनको जातीय अल्पसंख्यक समुदायलाई बढी स्वायत्तता दिलाउने उद्देश्यसहित सक्रिय सशस्त्र संगठन हो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
