३० कार्तिक २०८१, शुक्रबार
२०७५ माघ २ गते, बुधबार १३:०६ मा प्रकाशित
ब्रेक्जिट डिल अर्थात युरोपेली युनियन (ईयू) बाट अलग हुने बेलायती प्रधानमन्त्री टरिजा मेको योजना संसदबाट अस्वीकृत भएको छ ।
प्रधानमन्त्री मेकै दल कन्जर्भेटिभ पार्टीका ११८ जना सांसदले विपक्षमा मत दिएपछि योजना संसदबाट अस्वीकृत भएको हो ।
उनको योजनाको विपक्षमा ४३२ जना सांसदले मत दिएका थिए भने उनको समर्थनमा मात्र २०२ जना सांसदले मत दिएका थिए ।
बेलायती संसदको इतिहासमा कुनै पनि प्रस्तावमा सरकारी प्रस्तावको यो सबैभन्दा ठूलो हार हो । तर, यो पनि सत्य हो कि विपक्षी लेबर पार्टीका तीन सांसदले भने ब्रेक्जिट डिलको पक्षमा मत दिए ।
मतदानअघि मेले संसदलाई सम्बोधन गर्दै आफ्नो योजनाको बचाउ गरेकी थिइन् ।
भावुक र आवेशपूर्ण सम्बोधनका क्रममा उनले ब्रेक्जिट डिलमाथि भएको मतदान आफ्नो राजनीतिक करियरकै सबैभन्दा महत्वपूर्ण क्षण भएको बताएकी थिइन् ।
प्रधानमन्त्रीको योजनाको ऐतिहासिक हारपछि लेबर पार्टीले सरकारविरुद्ध अविश्वासको प्रस्ताव दर्ता गरेको छ । लेबर पार्टीका नेता जेरेमी कोर्बिनले भनेका छन् कि जसरी प्रधानमन्त्रीको ब्रेक्जिट डिल खारेज भयो, उसले प्रष्ट भएको छ कि सरकारले संसदको विश्वास गुमायो ।
सरकारविरुद्ध दर्ता भएको अविश्वासको प्रस्तावमाथि बुधबार बहस हुनेछ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
