उपत्यकामा पटाका आयातमा कडाइ, राति १० बजेपछि देउसीभैलो खेल्न नपाइने

होमल्याण्ड खबर

२०७६ कार्तिक ७ गते, बिहीबार १६:२३ मा प्रकाशित

तिहारमा पटाका आयातमा कडाइ गर्नका लागि उपत्यका छिर्ने विभिन्न नाकामा कडा सुरक्षा जाँच हुने भएको छ । जिल्ला प्रशासन कार्यालय काठमाडौंमा बुधबार प्रमुख जिल्ला अधिकारीको संयोजनमा बसेको बैठकले उक्त निर्णय गरेको हो ।

बैठकमा जिल्लाका सुरक्षा निकायका प्रमुखहरूको उपस्थिति रहेको जिल्ला प्रशासन कार्यालयका सूचना अधिकारी जिवन आचार्यले बताए ।

तिहार तथा छठ पर्व मनाउने क्रममा आतिशबाजी, पटाका जस्ता प्रज्वलनशीत पदार्थको उत्पादन, आयात, विक्री वितरण र प्रयोगमा नियन्त्रण गरिने उनले जानकारी दिए । यसैगरी, घरधनीको स्वीकृति लिएर बिनाकरकाप राति १० बजेसम्म मात्रै देउसीभैलो खेल्न पाइने उनले प्रष्ट पारे ।

चाडपर्वलाई लक्षित गरी कालोबजारी हुन सक्ने भएकोले वाणिज्य विभागसँग समन्वय गरी बजार अनुगमन गरिने उनले जानकारी दिए । चाडपर्वमा चोरी, डकैती , लुटपाट हुने भएकोले सुरक्षा व्यवस्थामा उच्च सतर्कता अपनाइने उनले जनाए । जुवा, तास जस्ता खेलमा अवाञ्छित क्रियाकलाप हुन नदिन २४ घण्टा उच्च निगरानी बढाइने उनले प्रष्ट पारे ।

सम्बन्धित खबर

भाइटीकाको शुभ साइत बिहान ११:३७ बजे

आज नवरात्रको छैटौँ दिन : स्कन्दमाताको पूजा गरिँदै

नेपाल लाइफ इन्स्योरेन्सद्वारा टिकटक प्रतिस्पर्धाको आयोजना

शत्रुको हारपछि विजय मनाउने पर्व इन्द्रजात्रा

लिंगो ठड्याएसँगै सुरु भयो इन्द्रजात्रा

युरोप पठाउने भन्दै ठगी गरेको आरोपमा ‘इकु’ पक्राउ