२ मंसिर २०८१, आईतवार
२०८१ जेष्ठ ४ गते, शुक्रबार १०:१५ मा प्रकाशित
बागमती प्रदेश संसदीय समितिको सभापतिको निर्वाचनको लागि आज शुक्रबार मनोनयन दर्ता हुने भएको छ । प्रदेशसभा सचिवालय हेटौँडाले सार्वजनिक गरेको निर्वाचन कार्यक्रम तालिका अनुसार आज मनोनयन दर्ताको गरिने छ ।
प्रदेशसभाका प्रदेश मामिला समिति, अर्थ तथा विकास समिति, सार्वजनिक लेखा समिति, उद्योग पर्यटन तथा वातावरण समिति र शिक्षा, स्वास्थ्य तथा कृषि समितिको सभापति पदको निर्वाचनका लागि दलहरूले उम्मेदवार सिफारिस गरी मनोनयन दर्ताको कार्यक्रम रहेको छ ।
सम्बन्धित समितिको सभापति पदमा निर्वाचनमा उम्मेदवार बन्न सो समितिका सदस्यले एक जना सदस्यको समर्थन सहित समितिको सभापति निर्वाचित गरियोस् भन्ने प्रस्तावमा प्रदेश सभा नियमावली (पहिलो संशोधन). २०७४ को अनुसूची– ३ बमोजिमको ढाँचामा पेस गर्नुपर्ने हुन्छ । उक्त प्रस्तावको आधारमा सचिवालयले निर्वाचन कार्यक्रम अनुसार प्रक्रिया अघि बढाउने छ ।
सचिवालयका अनुसार संसदीय समितिको सभापति निर्वाचनका लागि जेठ ४ गते दिउँसो ३ बजेदेखि ५ बजेसम्म कायम गरिएको छ भने मनोनयन फिर्ताका लागि ४ गते साँझ ५ बजेदेखि ६ बजेसम्म कायम गरिएको छ । साँझ ६ बजे उम्मेदवारको अन्तिम नामावली प्रकाशन गरिने छ ।
प्रदेश मामिला समितिको सभापतिका लागि प्रदेशसभा सचिवालयको कोठा नम्बर १२ मा मनोनयन दर्ताको कार्यक्रम रहेको छ भने निर्वाचनको कार्यक्रम जेठ ५ गते शनिबार दिउँसो २ बजेदेखि सचिवालयको कोठा नम्बर १२ मा हुनेछ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
