९ मंसिर २०८१, आईतवार
२०७५ पुष २६ गते, बिहीबार १३:१० मा प्रकाशित
भारतीय कम्पनी कृस ह्वाइट ब्रिक्स एलएलपीले घर, भवन जस्ता विकास निर्माणका संरचनाको लागत ३० प्रतिशतभन्दा बढीले कटौती गर्ने तर परम्परागत इँटाको तुलनामा निकै बलियो एरेटेड कंक्रिट सेल्युलर (एएसी) ब्लक नेपाली बजारमा ल्याएको छ ।
फ्लाई एसबाट बनेको यो ब्लकलाई वातावरणमैत्रीको रुपमा पनि लिइन्छ । उत्पादनको क्रममा निकै थोरै परिमाणमा ऊर्जा आवश्यक पर्ने हुँदा हानिकारक ग्यास उत्सर्जन नहुने भएकोले यसलाई वातावरणमैत्री मानिएको हो । रातो इँटामा जस्तो खेर जाने प्रतिशत यसमा लगभग शून्य हुने हुँदा पैसा हालेर किनेको सामान त्यसै फाल्नुपर्ने बाध्यता नरहेको ग्राहकहरु बताउछन् ।
यो ब्लकलाई सिमेन्टमा आधारित एड्हेसिभ ‘ज्वाइन्टिङ केमिकल’ले जोड्न सकिने हुँदा गारो लगाउँदा सिमेन्ट र बालुवामा हुने खर्च बचत गर्न सकिन्छ । आवासीय घर, कार्यालय भवन, बहुचल्ले भवन, व्यापारिक कम्प्लेक्स, अस्पताल, विद्यालय, होटल जस्ता संचरना निर्माणमा यसको प्रयोग गर्दा इँटाको लागत २० प्रतिशत हाराहारीमा र श्रमिक खर्च ५० प्रतिशतभन्दा बढी घटाउन सकिन्छ ।
यो ब्लकले संरचना तयार गर्दा भित्री भागमा प्लास्टर गर्नु पर्दैन । यसो हुँदा भित्री प्लास्टरमा लाग्ने सामान र श्रमिक खर्च जोगिन्छ । बाहिर पनि १० एमएम मात्र प्लास्टर गरे पुग्ने भएकोले प्लास्टरमा प्रयोग हुने सिमेन्ट, बालुवा र श्रमिक खर्च जोगिन्छ । गारोले कम स्पेस ओगट्ने हुँदा यो ब्लक प्रयोग भएको भवनका कोठा तुलनात्मक रुपमा फराकिला हुन्छन् ।
यसको प्रयोग गर्दा भवनको भार २० प्रतिशत कम हुने पुष्टि भएको छ । स्टिल लागत पनि २० प्रतिशतले कटौती गर्न सकिन्छ । कम भार भएका भवनहरु भूकम्पीय जोखिमको हिसाबले सुरक्षित मानिन्छन् ।
एएसी ब्लकको थर्मल कन्डक्टिभिटी रातो इँटाको केडब्लु–एम÷सी ०.८१ को तुलनामा निकै कम अर्थात २० प्रतिशत मात्र हुने र यसमा रहेको वायु छिद्रले उच्चस्तरीय थर्मल इन्सुलेसन प्रदान गर्ने हुँदा एयर कन्डिसनसर सञ्चालनमा खर्च हुने बिजुलीको बिल ३० प्रतिशतले घटाउन सकिन्छ । यसको थर्मल कन्डक्टिभिटी केडब्लु–एम÷सी ०.१६ मात्र हुन्छ ।
अग्ला भवनहरुको माथिल्ला तलाको गारोमा देखिने ओसिलोको समस्या नल्याउने यो ब्लक प्रयोग गर्दा प्लास्टरपछि १५ दिनसम्म नियमित क्युरिङ गर्नुपर्ने झन्झट नहने कम्पनीको दाबी गरेको छ । आगो प्रतिरोधी यो ब्लकमा आवाज सोस्ने क्षमता पनि परम्परागत रातो इँटाको तुलनामा बढी हुन्छ ।
भवनहरुको सुरक्षाका विषयमा बढी चासो राख्ने युरोपेली समाजमा एएसी ब्लकको लोकप्रियता निकै माथि पुगिसकेको छ । अन्य महादेशहरुमा पनि प्रयोगकर्ता बढिरहेको तथ्यांकहरुले देखाएका छन् ।
सर्वसाधारणले कम लागतमा भूकम्पीय जोखिमको दृष्टिले सुरक्षित संरचनामा चासो राखिरहेको बेला एएसी ब्लक उपयुक्त विकल्पको रुपमा आएको यसका प्रयोगकर्ताको अनुभव छ ।
प्वाल खोप्न, काट्न, किलो ठोक्न र आफूले चाहेको साइज तयार गर्न निकै सजिलो हुँदा एएसी ब्लकलाई डकर्मीहरुले पनि निकै रुचाएका छन् । यसको प्रयोग गर्दा संरचना निर्माणमा लाग्ने समय २० प्रतिशभन्दा बढीले घट्छ । यसको नजल्ने गुणले गर्दा भूकम्प, आगलागी जस्ता विपत्तिको बेला यसले अतिरिक्त सुरक्षा प्रदान गर्दछ । यसको मेल्टिङ प्वाइन्ट २९०० फरेनहाइट हुन्छ, जुन भवनमा आगलागी हुँदा निस्कने ताप १२०० फरेनहाइटको तुलनामा दोब्बरभन्दा पनि धेरै हो ।
किरा र धमिराले असर गर्न नसक्ने एएसी ब्लकको जोडाइमा रातो इँटाको जस्तो छिद्र र प्वाल नहुने हुँदा यसमा आवाज रोक्ने क्षमता निकै बढी हुन्छ । यी र यस्तै उत्कृष्ट गुणका कारण विश्वभर यो ब्लकको माग बढ्दै गएको छ । सन् १९२४ मा क्यानडामा विकास भएयता यसको लोकप्रियता विश्वव्यापी बन्दै गएको छ । विशेषगरी, किफायती लागतमा सुरक्षित भवन बनाउन चाहनेले यसलाई बढी रुचाएका छन् । गुण र फाइदाको जानकारीसँगै पछिल्लो समय यसको माग उत्साहजनक रुपमा बढ्दै गएको कम्पनाीका निर्देशक अजय कुमार केडीले बताएका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
