२९ कार्तिक २०८१, बिहीबार
२०७४ कार्तिक ९ गते, बिहीबार ०६:३५ मा प्रकाशित
काठमाडौं : सत्तारुढ दल नेपाली कांग्रेसले आसनन प्रदेश र प्रतिनिधिसभा निर्वाचनका लागि नारा तय गरेको छ । उसले ‘नेपाली कांग्रेसको सरकार, लोकतन्त्र राष्ट्रिय एकता र विकासको आधार’भन्ने मूल नारा तय गरेको हो । पहिलो चरणमा मंसिर १० गते हुने प्रदेश र प्रतिनिधिसभा निर्वाचनका लागि दलहरुले उम्मेदवारी दर्ता गराइसकेका छन् । उनीहरु अहिले चुनावी घोषणापत्रको तयारीमा जुटेका छन् । कांग्रेसले भने घोषणापत्रको मस्यौदालाई अन्तिम रुप दिएको छ । राजधानीको बालुवाटारस्थित प्रधानमन्त्रीको सरकारी निवासमा बुधबार बसेको सभापति शेरबहादुर देउवासहित मस्यौदा निर्माण समिति र काठमाडौंमा उपलब्ध केन्द्रीय सदस्यबीचको बैठकले मस्यौदालाई अन्तिम रुप दिएको हो । ६४ पृष्ठ लामो घोषणा पत्र तयार भएको र भोलीबाटै छपाईको 
काम सुरु हुने कांग्रेस केन्द्रिय कार्यालयका सचिव प्रेम केसीले जानकारी दिए ।
नेता महेश आचार्य संयोजकत्वको मस्यौदा निर्माण समितिले विकास, स्थायित्व र समृद्धिको खाकासहितको प्रारम्भिक मस्यौदा छलफलका लागि बैठकमा प्रस्तुत गरेको थियो । घोषणापत्रमा कांग्रेसले आफ्नो नेतृत्वमा संविधान जारी भएको भन्दै बहुमत दिन मतदातामा आग्रह गर्ने भएको छ । कांग्रेसको नेपाली कंग्रेसको सरकार, लोकतन्त्र राष्ट्रिय एकता र विकासको आधार चुनावी नारा तय गरेको छ । यसैबीच कांग्रेसले आगामी मंसिर १० र २१ मा गते हुने प्रतिनिधि र प्रदेश सभा सदस्य निर्वाचनका लागि प्रचार प्रसार समिति गठन गरेको छ । संसदीय बोर्डका सदस्य समेत रहेका बालकृष्ण खाँडलाई प्रचार समिति संयोजक तोकेपनि कांग्रेसले अन्य सदस्यबारे भने टुंगो लगाएको छैन् । उपसंयोजकमा भने नेता बद्री पाण्डेको नाम तय भएपनि मनोनयन भयसकेको छैन ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
