आज सांकेतिक रुपमा रातो मछिन्द्रनाथको रथयात्रा हुने

होमल्याण्ड खबर

२०७८ जेष्ठ १ गते, शनिबार १२:२१ मा प्रकाशित

वर्षा र सहकालका देवता’ रातो मच्छिन्द्रनाथको रथ आज ललितपुरमा सांकेतिक रुपमा तानिने भएको छ ।

हरेक वर्ष रथारोहण गरिएको चार दिनमा रथ तान्ने चलनानुसार आज दिउँसो साढे २ बजे रथ तानिँदै छ  ।

साङ्केतिक रुपमा रथ बिहानको नित्य पूजा पछि हल्लाइने र अपराह्न तानिने मच्छिन्द्रनाथ गुठीसँग सम्बन्धित ज्योतिषी दैवज्ञ कीर्तिकिरण जोशीले बताए ।

ललितपुर महानगरपालिकाले उपलब्ध गराएको स्वास्थ्य सामग्री प्रयोग गरी सामाजिक दूरी कायम गराएर केही पर रथ तानिने  पानेजु नरेन्द्र शाक्ले बताए ।

मुलुकमा पहिलो लहरको कोरोना महामारी आउनुपूर्वको वर्ष आजका दिनमा लोकेश्वरको रथ तानेर गाःबहाल लगिने गरिन्थ्यो ।

गत बुधबार वैशाख शुक्ल पक्ष प्रतिपदाका दिन साँझ छ बजेर १७ मिनेटमा करुणामयलाई रथारोहण गराइएको थियो भने वैशाख १५ गते चैतकृष्ण प्रतिपदाका दिन रक्ताललोकितेश्वरलाई लगनखेल चोकस्थित मन्दिरमा महास्नान गराइएको थियो ।

गत वर्ष पनि कोरोना महामारीका कारण समयमा रथयात्रा हुन सकेको थिएन । रथयात्राको क्रममा स्थानीय र प्रहरीबीच झडप समेत भएको थियो । झडको क्रममा केही घाइते समेत भएका थिए ।

सम्बन्धित खबर

भाइटीकाको शुभ साइत बिहान ११:३७ बजे

आज नवरात्रको छैटौँ दिन : स्कन्दमाताको पूजा गरिँदै

नेपाल लाइफ इन्स्योरेन्सद्वारा टिकटक प्रतिस्पर्धाको आयोजना

शत्रुको हारपछि विजय मनाउने पर्व इन्द्रजात्रा

लिंगो ठड्याएसँगै सुरु भयो इन्द्रजात्रा

युरोप पठाउने भन्दै ठगी गरेको आरोपमा ‘इकु’ पक्राउ