सविन र रीमा फिल्म ‘सिड्नी’ को मुख्य भूमिकामा

होमल्याण्ड खबर

२०७९ माघ २ गते, सोमबार १२:५९ मा प्रकाशित

अष्ट्रेलियाली सहर सिड्नीको कथावस्तुमाथि नेपाली फिल्म ‘सिड्नी’ निर्माण हुने भएको छ । काठमाडौंमा आयोजित पत्रकार सम्मेलनमा देवकुमार श्रेष्ठले फिल्म निर्देशन गर्ने जानकारी दिइयो ।

वैशाखदेखि छायांकन हुने फिल्ममा सविन श्रेष्ठ र रीमा विश्वकर्माको मुख्य भूमिका रहनेछ । ओ माइ गड इन्टरटेनमेन्ट र आचार्य ब्रदर्सको ब्यानरमा निर्माण हुने फिल्मको २० प्रतिशत छायांकन नेपालमा र ८० प्रतिशत अष्ट्रेलियामा हुने जनाइएको छ । निर्देशक श्रेष्ठले नेपालदेखि अष्ट्रेलियासम्मको कथावस्तुलाई फिल्ममा चित्रण गरिने बताए । अष्ट्रेलियामा पुगेपछि नेपालीले गर्ने संघर्षलाई फिल्मले प्रस्तुत गर्ने उनले जनाए ।
सविन एक्सन भूमिकामा प्रस्तुत हुँदैछन् । कार्यक्रममा उनले भने, ‘मैले यसअघि पनि धेरै एक्सन फिल्म गरेको छु । तर यसपटक केही फरक देख्न पाइनेछ । मैले निर्वाह गर्ने भूमिका पनि भिन्न लाग्न सक्छ ।’ रीमाले कथावस्तुले आफूलाई फिल्ममा काम गर्न आकर्षित गरेको बताइन् ।

सम्बन्धित खबर

भाइटीकाको शुभ साइत बिहान ११:३७ बजे

आज नवरात्रको छैटौँ दिन : स्कन्दमाताको पूजा गरिँदै

नेपाल लाइफ इन्स्योरेन्सद्वारा टिकटक प्रतिस्पर्धाको आयोजना

शत्रुको हारपछि विजय मनाउने पर्व इन्द्रजात्रा

लिंगो ठड्याएसँगै सुरु भयो इन्द्रजात्रा

युरोप पठाउने भन्दै ठगी गरेको आरोपमा ‘इकु’ पक्राउ