हिट-स्ट्रोक भएपछि अस्पतालमा उपचार गराउँदै शाहरुख

होमल्याण्ड खबर

२०८१ जेष्ठ १० गते, बिहीबार १४:०८ मा प्रकाशित

आईपीएल क्रिकेटको क्रममा हिट-स्ट्रोक भएपछि बलिउड अभिनेता शाहरुख खानलाई अहमदावादको एक अस्पतालमा भर्ना गरिएको छ । अहिले पनि उनी सोही अस्पतालमा उपचार गराइरहेका छन् ।

गर्मीको कारण शरीरमा तरल पदार्थको कमी भएपछि उनलाई बुधबार बेलुका अस्पताल भर्ना गरिएको भारतीय सञ्चारमाध्यमले जनाएका छन् ।

हिजो नै शाहरुख अस्पतालबाट डिस्चार्ज भएको चर्चा चलेको थियो । तर अहिले पनि उनी अस्पतालमै उपचाररत छन् । सम्भवतः उनी शुक्रबार बिहानसम्म डिस्चार्ज हुनसक्ने जनाइएको छ ।

यद्यपि, उक्त निजी अस्पतालले शाहरुखको स्वास्थ्य अवस्थाबारे अहिलेसम्म कुनै वक्तव्य जारी गरेको छैन । शाहरुखलाई बुधबार मल्टिस्पेसालिटी केडी अस्पतालमा भर्ना गरिएको थियो । उनी मंगलबार नरेन्द्र मोदी स्टेडियममा कोलकाता नाइट राइडर्स (केकेआर) टोलीको खेलमा सहभागी हुन अहमदाबाद पुगेका थिए ।

उनलाई अहिले चिकित्सकको निगरानीमा राखिएको छ । अहिले किङ खानकी छोरी सुहाना र श्रीमती गौरी अस्पतालमा छन् ।

सम्बन्धित खबर

भाइटीकाको शुभ साइत बिहान ११:३७ बजे

आज नवरात्रको छैटौँ दिन : स्कन्दमाताको पूजा गरिँदै

नेपाल लाइफ इन्स्योरेन्सद्वारा टिकटक प्रतिस्पर्धाको आयोजना

शत्रुको हारपछि विजय मनाउने पर्व इन्द्रजात्रा

लिंगो ठड्याएसँगै सुरु भयो इन्द्रजात्रा

युरोप पठाउने भन्दै ठगी गरेको आरोपमा ‘इकु’ पक्राउ