टिकटकमाथिको प्रतिबन्ध हटाउन सांसद अशिम शाहको माग

होमल्याण्ड खबर

२०८१ असार १ गते, शुक्रबार १३:२१ मा प्रकाशित

राष्ट्रिय स्वतन्त्र पार्टीका सांसद अशिम शाहले टिकटकमाथि सरकारले लगाएको प्रतिबन्ध हटाउन माग गरेका छन् । शुक्रबार प्रतिनिधिसभाको शून्य समयमा बोल्दै सांसद शाहले टिकटक खोल्न माग गरेका हुन् ।

उनले भने– ‘सरकारले कार्तिक २७ गतेबाट टिकटकमा प्रतिबन्ध लगाएको थियो । भीपीएन प्रयोग गरेर प्रयोगकर्ताले चलाइरहेका छन् । हिजोका दिनमा ९० लाखले टिकटक चलाइरहेका थिए भने अहिले पनि ५० लाखले चलाइरहेको अनौपचारिक तथ्याङ्क छ । टिकटकको विकल्पमा फेसबुक रिल, युट्युब सर्ट्स मज्जाले चलेकै छ । यस्तोमा सरकारले विकृति फैलाएको भन्दै सरकारले टिकटकमा लगाएको प्रतिबन्धको औचित्य के भयो त ? सरकारले टिकटक बन्द गरेपछि अपराध घटेको भन्ने तथ्याङ्क त छैन होला । तर टिकटक बन्द भएपछि ब्यान्डविथ घटेर डाटा बिक्रीबाट हुने आम्दानी घटेर एनसेलको १ अर्ब ४४ करोड र एनटिसीको डेढ अर्ब रुपैयाँ घाटा भएको तथ्याङ्कले देखाएको छ ।’

उनले अगाडि भने– ‘टिकटकबाट साना व्यवसायीले गरेको घरेलु व्यवसाय विस्थापित भएको कुराको हिसाबकिताब गरिसाध्य छैन । अरू पनि सूचीकृत नभएका फेसबुक इन्स्ट्राग्राम जस्ता सामाजिक सञ्जाल बिना रोक तोक चलिरहेका छन् । तर टिकटकबाट मात्र अपराध फैलिने कुरा स्वीकार्य छैन । त्यसैले अभिव्यक्ति स्वतन्त्रताको सम्मान गर्दै व्यवस्थित ढङ्गले टिकटक खोल्न सरकारसँग आग्रह गर्दछु ।’

सम्बन्धित खबर

भाइटीकाको शुभ साइत बिहान ११:३७ बजे

आज नवरात्रको छैटौँ दिन : स्कन्दमाताको पूजा गरिँदै

नेपाल लाइफ इन्स्योरेन्सद्वारा टिकटक प्रतिस्पर्धाको आयोजना

शत्रुको हारपछि विजय मनाउने पर्व इन्द्रजात्रा

लिंगो ठड्याएसँगै सुरु भयो इन्द्रजात्रा

युरोप पठाउने भन्दै ठगी गरेको आरोपमा ‘इकु’ पक्राउ