२८ फाल्गुन २०८१, बुधबार
२०८१ माघ ११ गते, शुक्रबार १०:४३ मा प्रकाशित
भारतीय कमेडियन कपिल शर्मालाई ज्यान मार्ने धम्की आएको छ । पाकिस्तानबाट इमेलमार्फत उनलाई धम्की आएको हो । कपिलसहित अभिनेता राजपाल यादव, कोरियोग्राफर रेमो डिसुजा र हास्य कलाकार सुगंधा मिश्रालाई पनि धम्की छ ।
इमेलमा लेखिएको छ- ‘हामी तपाईंको गतिविधिमा नजर राखिरहेका छौं। हामीले तपाईंको ध्यानाकर्षणमा एउटा संवेदनशील विषय ल्याएका छौं। यो सार्वजनिक स्टन्ट वा तपाइँलाई हैरानी गर्ने प्रयास होइन। हामी तपाईंलाई यो धेरै गम्भीरताका साथ लिन र गोपनीयता कायम राख्न अनुरोध गर्दछौं।’
इमेलको अन्त्यमा लेखिएको छ- ‘यदि यसो गरिएन भने यसले तपाईको व्यावसायिक र व्यक्तिगत जीवनलाई असर गर्न सक्छ । हामी अर्को ड घण्टा भित्र यस इमेलको जवाफ चाहन्छौं। यदि तपाईंले यो गर्नुभएन भने, तपाईंले यसलाई गम्भीरतापूर्वक लिनुभएन भनेर हामी मान्नेछौं। हामी तपाई विरुद्ध कारबाही गर्नेछौं। हामी बिश्नोई होइनौं।’
यस विषयमा प्रहरीले अनुसन्धान गरिरहेको छ ।
यद्यपि यसबारे कपिल शर्मा, राजपाल यादव वा रेमो डिसुजाबाट कुनै आधिकारिक बयान आएको छैन।
कपिल यतिबेला ‘द ग्रेट इन्डियन कपिल शो’ होस्ट गरिरहेका छन्।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
