बारामा प्रहरीको गोली लागेर घाइते भएका किशोरलाई काठमाडौं ल्याइयो

होमल्याण्ड खबर

२०८३ कार्तिक १६ गते, आईतवार १३:३७ मा प्रकाशित

बाराको फेटा गाउँपालिकामा प्रहरीको गोली लागेर घाइते भएका करिब १६ वर्षीय आदित्य पासवानलाई थप उपचारका लागि काठमाडौं ल्याइएको छ।

नेशनल मेडिकल कलेजले थप उपचारका लागि रिफर गरेपछि नेपाली सेनाको हेलिकप्टरमार्फत उनलाई काठमाडौं ल्याइएको बाराका प्रहरी उपरीक्षक (एसपी) नरेन्द्र कुँवरले जानकारी दिए।

नेशनल मेडिकल कलेजका पेडियाट्रिक सर्जन डा. विनोद कुमार रायसहितको चिकित्सकीय टोलीले शल्यक्रिया गरी उनको तिघ्राबाट गोली निकालेको थियो। काठमाडौं ल्याइएपछि उनलाई त्रिवि शिक्षण अस्पतालमा भर्ना गरिएको छ।

संघीय सरकारको अनुदानमा नवनिर्मित १५ शय्याको अस्पताल उद्घाटन गर्ने क्रममा भएको झडपमा पासवान घाइते भएका थिए।

घटनाको छानबिन गर्न मधेस प्रदेश प्रहरी कार्यालयका एसएसपी प्रभु ढकालको नेतृत्वमा तीन सदस्यीय छानबिन समिति गठन गरिएको छ।

सम्बन्धित खबर

सरकारको प्रवृत्तिले हद नाघेको छ : गगन थापा

भोलिदेखि सरकारी कार्यालय समय बिहान ९ देखि दिउँसो ४ बजेसम्म

रास्वपाले स्थानीय तह निर्वाचनका उम्मेदवारका लागि आवेदन खुलायो

पत्रकार धरपकड प्रकरणको छानबिन गर्न सरकारलाई रास्वपाको निर्देशन

कांग्रेसको नयाँ कार्यसमितिको विवरण सोमबार निर्वाचन आयोगमा अद्यावधिक गरिने

सुनको मूल्यमा भारि गिरावट