१३ मंसिर २०८१, बिहीबार
२०७९ बैशाख २८ गते, बुधबार १२:२८ मा प्रकाशित
श्रीलंकाका राष्ट्रपति गोटाबाया राजपक्षेले बुधवार जनताको नाममा सम्बोधन गर्दै देशमा जातीय तथा धार्मिक सद्भाव खलबल्याउने प्रयास भइरहेको बताएका छन् ।
सरकारले आर्थिक संकटको व्यवस्थापन गर्न नसकेकाले देशका विभिन्न भागमा हिंसा भड्किएपछि राष्ट्रपतिको सम्बोधन आएको हो ।
यसै सातमा मात्र आठजना हिंस्रक प्रदर्शनमा मारिइसकेका छन् । राष्ट्रपतिका दाइ महिन्दा राजपक्षेले पदबाट राजीनामा दिइसकेका छन् । तैपनि जनताको आक्रोश मत्थर भएको छैन ।
राजपक्षे परिवारकै कारण देशमा आर्थिक संकट आएको आरोप विरोधीहरूले लगाउने गरेका छन् ।
अहिले देशमा लगभग ५ करोड डलर मात्र विदेशी मुद्रा सञ्चिति छ । त्यसले गर्दा देशमा सामान आयात गर्न सकिएको छैन । इन्धन, खाना पकाउने ग्यास र अन्य अत्यावश्यक वस्तुहरूको चरम अभाव छ ।
‘आर्थिक, सामाजिक र राजनीतिक चुनौतीबाट पार पाउन अहिले श्रीलंकालीहरू सबै एकजुट हुने बेला आएको छ,’ राजपक्षेले बताए । ‘म सबै श्रीलंकालीहरूलाई जातीय तथा धार्मिक सद्भाव बिथोल्ने प्रयासहरू परास्त गर्न आग्रह गर्छु । नरमपना, सहिष्णुता र सहअस्तित्वको प्रवर्धन गर्नु आवश्यक छ ।’
श्रीलंकामा जातीय तनावको लामो र हिंस्रक इतिहास छ ।
राजपक्षे र उनका दाइ महिन्दा सन् २००९ मा गृहयुद्ध अन्त्य हुँदा सरकारमा थिए । त्यतिखेर सेनाले अल्पसंख्यक तमिल समुदायका लडाकूहरूलाई परास्त गरेका थिए ।
कुल २ करोड २० लाख जनसंख्या भएको श्रीलंकामा बहुसंख्यक सिंहाली बौद्धहरू छन् । देशमा मुसलमान, हिन्दू र क्रिस्चियन अल्पसंख्यक पनि छन् ।
सोमवार राजपक्षेहरूको पुर्ख्यौली घरमा आगो लगाइएको भिडियो सार्वजनिक भएको थियो । सांसदहरूको घर र सम्पर्क कार्यालयमा पनि आक्रमण भएका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
