२ मंसिर २०८१, आईतवार
२०८१ जेष्ठ ४ गते, शुक्रबार ११:११ मा प्रकाशित
काठमाडौं महानगरपालिकाका मेयर बालेन शाहसहित ३ जनाविरुद्ध कुटपिट तथा लुटपाटको मुद्दा दायर भएको छ । प्राणमञ्च डटकमका प्रधान सम्पादक पदमप्रसाद पोखरेलले महानगर प्रमख शाह, नगर प्रहरी प्रमुख राजुनाथ पाण्डे र हानगर प्रहरीका एसपी मनोज लामिछानेविरुद्ध बिहीबार जिल्ला अदालतमा काठमाडौँमा मुद्दा दायर गरेका हुन् ।
उनीहरूविरुद्ध कुटपिट अभियोगमा मुलुकी अपराध संहिताको दफा १९१ को (३) बमोजिम ३ वर्ष कैद र ३० हजार जरिवाना तथा लुटपाट अभियोगमा दफा २८६ (३) बमोजिम सामान र बिगो गरेर ३ लाख ४४ हजार ११७ रुपैयाँ भराउन माग गरिएको छ ।
गत फागुन १६ गते सुन्धारामा फुटपाथ व्यवसायी र नगर प्रहरीबीच झडप भएको थियो । सो क्रममा आफूलाई कुटपिट गरिएको र क्यामेरालगायत सञ्चार उपकरण फुटाइदिएको पोखरेलले निवेदनमा उल्लेख गरेका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
