रसुवागढी बन्दरगाह दुई वर्षमै सक्ने चिनियाँ पक्षको अनुमान

होमल्याण्ड खबर

२०७४ फाल्गुन २१ गते, सोमबार ०७:२४ मा प्रकाशित

रसुवागढी बन्दरगाह निर्माणको प्रक्रियाको थालनी भएको छ । उत्तरी छिमेकी चीनसँगको व्यापारिक नाका रसुवागढीको टिमुरेमा निर्माण हुन लागेको बन्दरगाहको डिजाइन पनि तयार भएको छ । चीन सरकारले करिब तीन महिनाभित्रै बन्दरगाहको निर्माण थालनी गर्ने लक्ष्यका साथ काम अगाडि बढिरहेको छ । रसुवागढी नाकाको नेपालको इन्टरमोडल यातायात विकास समिति र चीन सरकारले उक्त ड्राइपोर्टको डिजाइन स्वीकृत गर्दै काम तीव्र रुपमा अघि बढाउने गरी सम्झौता गरेका छन् । स्रोतका अनुसार चिनियाँ पक्षले दुई वर्षभित्रै बन्दरगाहको निर्माण सम्पन्न गरी नेपाल सरकारलाई हस्तान्तरण गर्ने लक्ष्य लिएको छ । यसका साथै सो भवनमा अध्यागमन विभाग, बैंक, भन्सार लगायत सबै निकायहरु रहने चिनियाँ परामर्शदाताको डिजाइनले देखाइएको छ ।

 १ अर्व ८० करोडको अनुमान

डिजाइनअनुसार बन्दरगाहमा ३ सय ५० वटा गाडी अटाउने पार्किङ स्थल, ७५० वर्ग्मिटर क्षेत्रफलमा फैलिएको गोदाम, मालसामान चेक जाँच गर्ने टर्मिनल, चेकपोस्ट, पानी, विद्युतका लागि आवश्यक पुर्वाधार लयायत आवश्यक पर्ने सम्पुर्ण पुर्वाधारहरु निर्माण हुनेछन् । इन्टरमोडलअनुसार यस बन्दरगाह निर्माण गर्न १५० देखि १८० करोड रुपियाँ लाग्ने अनुमान गरिएको छ । ८ हेक्टर क्षेत्रफलमा फैलिने सुख्खा बन्दरगाहमा पाँच तले प्रशासनिक भवन रहने छ ।

सरकारले उक्त ड्राइपोर्ट बनेसँगै रसुवागढी नाका हुँदै चीनसँग हुने व्यापार सहज हुने विश्वास लिएको छ । सुख्खा बन्दरगाहका लागि स्थानीय वासिन्दाको ५८ रोपनी जग्गा अधिग्रहण गरिएको इन्टरमोडल यातायात विकास समितिका महाप्रवन्धक हेमेन्द्र शाहीले बताए । साथै सरकारी स्वामित्वमा रहेको १०९ रोपनी जग्गा पनि बन्दरगाह क्षेत्रमै समेटिएको छ । यता लाङटाङ राष्ट्रिय निकुञ्जको पाँच हेक्टर जमिन समेत बन्दरगाहले ओगट्नेछ । भूकम्पपछि बन्द भएको तातोपानी नाका हालसम्म सुचारु हुन सकेको छैन । रसुवागढी नाकालाई नेपालबाट जोडिने नाका मध्ये उच्च प्राथमिकतामा राखेको चीनले रसुवागढी सुख्खा बन्दरगाह चाँडो बनाउने अपेक्षा गरिएको थियो । रसुवागढी नाकाबाट केरुङसम्मको दुरी करिव २६ किमी रहेको छ ।

टिमुरेमा बन्न लागेको बन्दरगाह र रसुवागढी नाकाको दुरी करिव २ किमी रहेको छ । यसैगरी, चीनको प्रसिद्ध शहर सिगात्सेदेखि केरुङसम्को दुरी भने साढे चार सय किमी रहेको छ । हाल चीनीया सक्रियतामा सुख्खा बन्दरगाहको लागतदेखि प्राविधिक काम गरिरहेको छ ।

सम्बन्धित खबर

पेट्रोलियम पदार्थको मूल्यवृद्धि विरुद्ध प्रदर्शन

काठमाडौंमा राप्रपाको शक्ति प्रदर्शन

नेपाली रेल जयनगरमा सजिँदै, भाेलि विद्यार्थी बोकेर नेपाल प्रवेश गर्ने

३४ जना एसपीको सरुवा, को कहाँ ?(सूचिसहित)

वायु प्रदूषणका कारण दिल्लीका सबै विद्यालय अनिश्चितकालका लागि बन्द

चार सयले बढ्यो सुनको मूल्य