१७ कार्तिक २०८३, सोमबार
२०८३ कार्तिक १७ गते, सोमबार १५:३६ मा प्रकाशित
विपक्षी दलहरूले संघीय संसद्को बैठक तत्काल आह्वान गर्न माग गरेका छन् ।
सिंहदरबारस्थित नेपाली कांग्रेसको संसदीय दलको कार्यालयमा सोमबार बसेको विपक्षी दलहरूको बैठकले संसद्को बैठक तत्काल आह्वान गर्न सरकारसँग माग गर्ने निर्णय गरेको नेकपाका नेता परमेश हमालले जानकारी दिए ।
बैठकमा नेपाली कांग्रेसका संसदीय दलका नेता भीष्मराज आङ्दाम्बे, राष्ट्रियसभा संसदीय दलका नेता कमला पन्त र प्रमुख सचेतक बासना थापा सहभागी थिए ।
त्यस्तै, नेकपा एमालेका तर्फबाट संसदीय दलका उपनेता पद्मा अर्याल तथा नेपाली कम्युनिस्ट पार्टीका परमेश हमाल, वर्षमान पुन र युवराज दुलाल बैठकमा सहभागी भएका थिए ।
बैठकमा जनता समाजवादी पार्टीका नेता महन्थ ठाकुर र राष्ट्रिय प्रजातन्त्र पार्टी (राप्रपा) की प्रमुख सचेतक खुश्बु ओलीको पनि सहभागिता रहेको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
