१ चैत्र २०८२, आईतवार
२०७८ फाल्गुन ६ गते, शुक्रबार १३:४८ मा प्रकाशित
प्रतिनिधिसभा बैठक सुरु भएलगत्तै एमालेले नाराबाजी थालेको छ । एमालेले प्रतिनिधिसभाको नवौं अधिवेशनको पहिलो बैठकबाटै अवरोध गर्दै आएको छ । सभामुख अग्निप्रसाद सापकोटाको भूमिकामाथि प्रश्न उठाउँदै एमाले आक्रोशित हुँदै आएको हो ।
एमालेले पार्टीले कारबाही गरेका १४ जना सांसदको सूची टाँस गर्नुपर्ने, सभामुख सापकोटाले पदबाट राजीनामा दिनुपर्ने लगायतका माग राख्दै आएको छ । संसद बैठक सुरु हुनुपूर्व बसेको कार्यव्यवस्था परामर्श समितिको बैठकले एउटा मात्रै कार्यसूची तय गरेको छ ।
सरकारले भने आज अमेरिकी सहयोग परियोजना एमसिसी संसदमा टेबल गर्ने तयारी गरेको थियो । तर, सत्ता गठबन्धनमै सहमति जुट्न नसकेपछि आजको संसदको कार्यसूचीमा एमसिसी नपरेको हो ।
प्रधानमन्त्री देउवाले एमसिसी संसदमा टेबल गर्ने अडान लिएसँगै सत्ता गठबन्धन भत्कने संकेत बढ्दै गएको छ । प्रधानमन्त्री देउवाले प्रतिपक्षी दल नेकपा एमालेका अध्यक्ष केपी शर्मा ओलीसँग भेट गरेसँगै अझै यो बहस चर्किएको छ ।
आजको बैठक अवरोध अन्त्यका लागि सभामुख सापकोटाले अनुरोध गरिरहेका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
