रवि लामिछानेद्वारा मधेशका मठमन्दिरमा पूजार्चना

होमल्याण्ड खबर

२०८३ कार्तिक ३० गते, आईतवार १३:५४ मा प्रकाशित

राष्ट्रिय स्वतन्त्र पार्टी (रास्वपा)का सभापति रवि लामिछानेले धनुषा र महोत्तरीका विभिन्न धार्मिकस्थलमा पूजार्चना गरेका छन् ।

छठ पर्व मनाउन पत्नी निकिता पौडेलसहित जनकपुर पुगेका सभापति लामिछानेले आइतबार बिहान जानकी मन्दिरमा पूजाआजा गरे ।
आइतबार नै उनले धनुषाको मुखियापट्टि मुसहरनिया गाउँपालिकास्थित लक्ष्मीनारायण मन्दिर, महोत्तरीको जलेश्वरस्थित जलेश्वरनाथ मन्दिर र मटिहानीस्थित लक्ष्मीनारायण मन्दिरमा पनि पूजार्चना गरेका रास्वपाका जिल्ला नेता अम्बुप्रसाद साहले जानकारी दिए ।

सभापति लामिछाने आइतबार धनुषास्थित गङ्गासागरमा आयोजना हुने छठ कार्यक्रम पनि सहभागी हुने कार्यक्रम रहेको छ ।