१ मंसिर २०८१, शनिबार
२०७५ फाल्गुन १२ गते, आईतवार १४:२१ मा प्रकाशित
नेपाली कांग्रेस केन्द्रीय कार्यालय सानेपामा प्रमुख भातृ संगठन (नेपाल विद्यार्थी संघ) नेविसंघका दुई समूहबीच झपड भएको छ ।
आइतबार बसेको केन्द्रीय कार्यसमितिको बैठकमा नेविसंघको विवाद छिटो टुङ्गाउन माग गर्दै धर्नामा बसेका उनीहरुबीच आपसमा झडप भएको हो ।
सिटौला पक्षधर विद्यार्थीहरु ३२ वर्षे हदबन्दीको पक्ष र शेरबहादुर देउवा निकट विद्यार्थीहरुले विपक्षमा नार लगाएपछि झडप भएको नेताहरुले बताएका छन् ।
निवर्तमान महामन्त्री कुन्दनराज काफ्ले निकट विद्यार्थी सुशील भट्ट नेतृत्वको टोलीले तदर्थ समित बनाउँदा ३२ वर्षे हदबन्दी लागु हुने पर्ने माग गर्दै प्रदर्शन गरेका थिए ।
काफ्ले समूहले ३२ वर्ष मूनिको तदर्थ समिति गठनको माग गर्दै आज बिहानैबाट नाराबाजी गर्दै आएको छ ।
विद्यार्थीहरु प्रदर्शनमा उत्रिएपछि प्रहरीले लाठीचार्ज समेत गरेको छ । प्रहरीले लाठीचार्ज गरेपछि दुई पक्षबीच झडप भएको छ । झडपमा ७ जना नेविसंघका कार्याकर्ता घाइते भएको र उनीहरुलाई उपचारको लागि अस्पतालल लगिएको बताइएको छ ।
सुरुमा दुई पक्षले एकअर्कालाई पानीको बोत्तलले हानाहान गरेको र पछि ढुंगा हानाहान गरेको प्रहरीले बताएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
