१० मंसिर २०८१, सोमबार
२०७५ फाल्गुन १७ गते, शुक्रबार ११:२० मा प्रकाशित
भ्यालेन्सिया स्पेनिस कोपा डेल रे फुटबलको फाइनलमा प्रवेश गरेको छ ।
बिहीबार राति भएको सेमिफाइनलको दोस्रो लेगमा रियल बेटिसलाई १–० गोल अन्तरले पराजित गर्दै भ्यालेन्सिया फाइनलमा प्रवेश गरेको हो ।
भ्यालेन्सियाले बेटिसमाथि समग्रमा ३–२ गोलको जित निकालेको हो । पहिलो लेगमा भने भ्यालेन्सियाले बेटिससँग २–२ गोलको बराबरी खेलेको थियो ।
दोस्रो लेगअन्तर्गत भ्यालेन्सियाका लागि रोड्रीगो मोरेनोले निर्णायक गोल गरे ।
खेलको ५६ औं मिनेटमा मोरेनोले गरेको गोल नै निर्णायक सावित भयो ।
अब उपाधिका लागि भ्यालेन्सियाले बार्सिलोनासँग प्रतिस्पर्धा गर्नेछ ।
बार्सिलोनाले रियल म्याड्रिडलाई समग्रमा ४–१ ले पराजित गर्दै फाइनल यात्रा तय गरेको थियो । प्रतियोगिताको फाइनल खेल २५ मेमा हुनेछ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
