१ मंसिर २०८१, शनिबार
२०७५ फाल्गुन १९ गते, आईतवार १०:५३ मा प्रकाशित
शनिबार राति निधन भएका नेता भरतमोहन अधिकारीको पार्थिव शरीरमा नेकपा अध्यक्ष तथा प्रधानमन्त्री केपी शर्मा ओली र अर्का अध्यक्ष प्रचण्डले संयुक्त रुपमा पार्टीको झण्डा ओढाएका छन् ।
पार्टी कार्यालय धुम्बाराहीमा आयोजित श्रद्धाञ्जली सभामा नेकपा अध्यक्षद्वय ओली र प्रचण्डले अधिकारीको पार्थिव शरीरमा पार्टीको झण्डा ओढाएर श्रद्धाञ्जली अर्पण गरेका हुन् ।
यस्तै गृहमन्त्री रामबहादुर थापा, परराष्ट्रमन्त्री प्रदीप ज्ञवाली, नेकपा नेता भीम रावल लगायतले श्रद्धाञ्जली दिएका छन् ।
अधिकारीलाई श्रद्धाञ्जली दिन नेकपाका शीर्ष नेता, सरकारका मन्त्री, राजनीतिक दलका नेता तथा कार्यकर्ताका साथै सर्वसाधारणको पार्टी कार्यालयमा भिड लागेको छ ।
अधिकारीको पार्थिव शरीरलाई मध्याह्न १२ बजेसम्म पार्टी कार्यालयमा राखिने छ । त्यसपछि पशुपति आर्यघाटमा दाहसंस्कार गरिने छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
