राष्ट्रपति भण्डारीद्वारा भृकुटी मण्डपमा आयोजित औंद्योगिक व्यापार मेला उद्घाटन

होमल्याण्ड खबर

२०७५ फाल्गुन २४ गते, शुक्रबार १६:०५ मा प्रकाशित

राष्ट्रपति विद्या भण्डारीले काठमाडौंको भृकुटी मण्डपमा आयोजित ‘१५ औं अन्तराष्ट्रिय औद्योगिक व्यापार मेला तथा तेस्रो प्राङगारिक कृषि मेला’को उद्घाटन गरेकी छिन् ।

राष्ट्रपति भण्डारीले नेपाल घरेलु तथा साना उद्योग महासंघको आयोजनामा बिहीबारबाट सुरु भएको सो मेलाको शुक्रबार औंपचारिक रुपमा उद्घाटन गरेकी हुन् । उद्घाटन कार्यक्रमलाई सम्बोधन गर्दै उद्योग, वाणिज्य तथा आपूर्तिमन्त्री मातृकाप्रसाद यादवले मुलुकको निर्यात व्यापारलाई बढाउन यस्ता मेलाहरुले सघाउ पुर्याउने विश्वास व्यक्त गरे । उनले राष्ट्रिय उद्योगहरुको विकास गर्दै अन्तर्राष्ट्रिय लगानी भित्र्याएर मुलुकको उद्योग क्षेत्रको विकास गर्ने प्रतिवद्धता पनि जनाए ।

स्वदेशी वस्तुको प्रयोग गर्न आह्वान गर्दै सो मेला आयोजना गरिएको नेपाल घरेलु तथा साना उद्योग महासंघका निवर्तमान अध्यक्ष सुरेश प्रधानले जानकारी दिए ।  बिहीबारबाट सुरु भएको ५ दिनसम्म चल्ने मेलामा २ सय ५ वटा स्टल राखिएका छन् । महासंघका निवर्तमान अध्यक्ष प्रधानले मेलामा ५० वटा कृषिसम्बन्धि  सामग्रीको स्टल रहेको पनि बताए । त्यसैगरी मेलामा भारत, चीन, पाकिस्तान, बंगलादेशलगायतले पनि स्टल राखेको छ ।

नेपाल सरकारको प्रत्यक्ष सहयोगमा आयोजना गरिएको मेलामा नेपालमै उत्पादित, अर्गानिक कृषि सामग्रीहरु, हस्तकलाका सामानहरु मुख्य आकर्षणको रुपमा राखिएको छ । मेलामा प्रत्यक्ष रुपमा ५ करोड बराबरको आर्थिक कारोबार हुने र करिव २ लाखले अवलोकन गर्ने अपेक्षा गरिएको छ ।

सम्बन्धित खबर

उद्योगहरूको बिजुली नकाट्ने प्राधिकरण बोर्डको निर्णय

कीर्तिपुरमा जित सुनिश्चित बनाउँदै माओवादी

हिजो सम्भवः नभए पछि रबि लामिछानेलाई आज साँझसम्म काठमाडौं ल्याइने

दुर्गा प्रसाईँलाई सर्वोच्चमा उपस्थित गराइयो

चुडामणिको मुद्दामा विपक्षी झिकाउन सर्वोच्चको आदेश

सर्वोच्चको बोर्डमा कालो रङ छ्यापेकी बिनु यादव प्रहरी नियन्त्रणमा