१ मंसिर २०८१, शनिबार
२०७५ फाल्गुन ३० गते, बिहीबार ०९:०० मा प्रकाशित
सरकारले विप्लव माओवादीको गतिविधि माथि प्रतिवन्ध लगाएको घोषणा संगै सुरक्षा निकायलाई हाई अर्लटमा रहन निर्देशन दिएको छ । नेपाल प्रहरीले विप्लव समूहलाई ‘अपराधी’ को संज्ञा दिई बुधबारबाट त्यस समूहका हरेक गतिविधिमाथि सूक्ष्म सुरक्षा निगरानी राख्नका साथै आवद्ध सदस्य तथा सहयोगीहरूलाई पक्राउका लागि देशरभर सर्कुलर जारी गरेको छ ।
विप्लव समूहका गतिविधिमाथि सूक्ष्म निगरानी राख्न प्रहरी जनशक्ति परिचालनका साथै प्रत्येक प्रहरी युनिट तथा कार्यालयहरूलाई उच्चसुरक्षा सतर्कता अपनाउन समेत निर्देशन दिएको छ । राजनीतिक पार्टीको आवरणमा विप्लव समूहले चन्दा आतंक, धम्की, अपहरण, हतियार प्रदर्शन र सर्वसाधारणको ज्यान जाने गरी बम विस्फोटका घटना बारम्वार दोहोर्याउन थालेपछि सरकारले पछिल्लो कदम चाल्न बाध्य भएको बताइएको छ ।
नेपाल सरकारका विशिष्ट व्यक्तिको शान्तिसुरक्षामाथि नै धावा बोल्न थालेपछि विप्लव समूहमाथि प्रतिवन्ध लगाउन सरकार बाध्य भएको जनाइएको छ । सरकारले विप्लव समूहका सम्पूर्ण गतिविधि नियन्त्रण गर्ने जिम्मेवारी नेपाल प्रहरीलाई दिएको छ ।
मुलधारको राजनीति भन्दा बाहिर गएर हत्या हिंसा जस्ता कृयाकलापमा बिप्लव नेतृत्वको माओवादी लागेपछि सरकारले प्रतिबन्ध लगाउने निर्णय पछि उसबाट हुन सक्ने हिंसात्मक कृयाकलापलाई नियल्न समेत सरकारले सबै सुरक्षा निकायलाई निर्देशन दिएको छ ।
हतियार बोकेर हिँडेको फेला परे गोली हान्न समेत सरकारले सुरक्षा निकायलाई निर्देशन दिएको छ । स्रोतका अनुसार आन्तरिक विज्ञप्तिमार्फत आएको सूचनामा ‘हतियारसहित फेला परे तत्काल फायर खोल्नू’ भनिएको छ । बिना हतियार हिँडेको तर नेतृत्वमा रहेको कार्यकर्तालाई जहाँ भेटे पनि पक्राउ गर्न र सामान्य कार्यकर्तालाई पनि उच्च निगरानी राख्न निर्देशन दिएको छ ।
बिप्लव समूहको पछिल्लो गतिबिधि राजनीतिक भन्दापनि धम्की दिएर रकम असुल गर्ने र नदिए बम पड्काउने तथा हत्या सम्मगर्ने कृयाकलाप बढेपछि सरकारले उसको गतिबिधिमाथि प्रतिवन्ध लगाएको हो ।
तीन वटै सुरक्षा निकायको प्रधान कार्यालयले बुधबार मुलुकभरका आफ्ना मजकुर कार्यालयलाई हाई अर्लटमा रहन निर्देशन दिएको हो ।
सरकारले सुरक्षा फौज रहेको स्थान र त्यहां कार्यरत सुरक्षाकर्मीको अवस्थाको वारेमा जानकारी लिन पनि सबै सुरक्षा निकायलाई निर्देशन दिएको छ ।
बिप्लव माओवादीले गर्न सक्ने ध्वंम्सात्मक गतिविधिलाई नियन्त्रण गर्न तथा उनीहरुबाट हुने कुनैपनि गतिविधि बैधानिक नहुने भएकाले नियन्त्रण गर्न देशभरका सबै युनिटलाई सशस्त्र प्रहरीले पनि निर्देशन दिएको छ। नेपाली सेनाले समेत अहिलेको अवस्थालाई नजिकबाट निहाली रहेको र विप्लवका कार्यकर्ताबाट हुने गतिविधिको बिष्लेषण गरीरहेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
