१० मंसिर २०८१, सोमबार
२०७५ चैत्र ११ गते, सोमबार १२:२० मा प्रकाशित
एजेन्सी । युरो कप छनोटमा खेलमा चार पटकको विश्व विजेता टोली जर्मनीले जित हात पारेको छ । आइतबार भएको खेलमा जर्मनीले नेडरल्याण्डलाई ३–२ गोल अन्तरले पराजित गरेको हो । जर्मनीलाई जित दिलाउन निको सुल्ज, सर्ज ग्रन्ब्री र लिरो सानेले एक–एक गोल गरे ।
म्याथिज्स डि लिग्ट र मेम्फिस डेपले एक–एक गोल गरे पनि टिमलाई हारबाट जोगाउन सफल भएनन् । जर्मनीले खेलको १५ औ मिनेटमा लिरो सानेको गोलबाट सुरुवाती अग्रता बनाएको थियो । खेलको ३४ औ मिनेटमा सर्ज ग्रन्ब्रीले गोल गर्दै जर्मनीको अग्रता दोब्बर पारेका थिए ।
पहिलो हाफमा २–० गोलको अग्रता बनाएको जर्मनी दोस्रो हाफमा भने कमजोर देखिएको थियो । खेलको ४८ औ मिनेटमा नेदरल्याण्डका डि लिग्टले गोल गर्दै टिमलाई समान गोल गर्ने बाटो देखाए । त्यस्तै खेलको ६३ औ मिनेटमा डेपेले गोल गर्दै खेल बराबरीमा ल्याए ।
निकै नै रोमाञ्चक खेलको अन्तिम मिनेटमा जर्मनीका निको सुल्ज गोल गर्दै टोलीलाई जित दिलाए । आइतबार राति नै भएको अर्काे खेलमा बेल्जियमले साइप्रसमाथि सहज जित निकालेको छ । बेल्जियमले साइप्रसलाई २–० ले गोलले पराजित गरेको हो ।
बेल्जियमलाई जित दिलाउन इडेन हजार्ड र मिक्की बल्सुवाइले एक एक गोल गरे । हजार्डले खेलको १० औँ मिनेटमा गोल गर्दै बेल्जियमलाई सुरुवाती अग्रता दिलाएका थिए । त्यस्तै खेलको १८ औ मिनेटमा बत्सुवाईले गोल गर्दै बेल्जियमको अग्रता दोब्बर पारे ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
