१० मंसिर २०८१, सोमबार
२०७५ चैत्र २८ गते, बिहीबार १०:१४ मा प्रकाशित
प्रदेश पाँचमा जारी आठौं राष्ट्रिय खेलकुद अन्तर्गत आज बिहिबार विभिन्न सात खेलमा प्रतिस्पर्धा हुँदैछ ।
आठौं अन्तर्गत आज ७ खेल टेबलटेनिस, कुस्ती, हक्की, स्क्वास, लनटेनिस, बास्केटबल र फेन्सिङ खेलमा प्रतिस्पर्धा हुनेछ ।
दाङको घोराहीमा पुरुष बास्केटबल आजबाट सुरु हुनेछ भने नेपालगञ्जको कभर्डहलमा फेन्सिङ खेल सुरु हुनेछ ।
यस्तै आजै दाङको घोराही कभर्डहलमा टेबलटेनिस, कपिलवस्तुको सिद्धार्थ क्याम्पसमा कुस्ती, नेपालगंजको मंगलप्रसाद उच्च माविमा पुरुष हक्की, ललितपुरको सातदोबाटोमा स्क्वास र बुटवलमा लनटेनिस हुनेछ ।
आठौंको उद्घाटन भने बैशाख ५ गते हुनेछ ।
आठौंको उद्घाटन अघि विभिन्न १४ खेलको राष्ट्रिय प्रतियोगिता सम्पन्न भइसक्ने छ । उद्घाटनअघि सकिने खेलमा बक्सिङ, कबड्डी, जुडो, बास्केटबल, बुद्धिचाल, फुल कन्ट्याक्ट कराते, साइक्लिङ, फेन्सिङ र गल्फ रहेको छ ।
आठौं राष्ट्रियमा विभिन्न ३५ खेल समावेश छन् । बृहत राष्ट्रिय खेलकुदकै इतिहासमा प्याराग्लाइडिङ खेल पहिलो पटक समावेश गरिएको छ भने एनआरएनए टिम पनि पहिलोपटक सहभागी हुँदैछ ।
आठौं राष्ट्रियमा समग्रमा २८ सय २५ पुरुष तथा २३ सय ८६ महिला गरी जम्मा ५२ सय ११ खेलाडी सहभागी हुने छन् । ३७२ स्वर्ण, त्यत्ति नै रजत र ५६३ कांस्यका भिडन्त हुनेछ ।
प्रतियोगिताको समापन बैशाख ११ गते हुनेछ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
