१० मंसिर २०८१, सोमबार
२०७६ बैशाख १२ गते, बिहीबार १०:३० मा प्रकाशित
इंग्लिस प्रिमियर लिग फुटबलमा आर्सनल वुल्भससँग पराजित भएको छ ।
बुधबार राति भएको खेलमा आर्सनल वुल्भससँग ३–१ ले पराजित भएको हो ।
वुल्भसका लागि रुवेन नेभेस, माट डोहर्टी र डिएगो जोटाले एक एक गोल गरे । आर्सनलका लागि सोक्रेटिसले एक गोल गरे ।
खेलको २८ औं मिनेटमा नेभेसले गोल गर्दै वुल्भसलाई सुरुवाती अग्रता दिलाएका थिए । ३७ औं मिनेटमा डोहर्टीले गोल गर्दै वुल्भसको अग्रता दोब्बर बनाए । पहिलो हाफको इन्जुरी समयमा जोटाले गोल गर्दै वुल्भसको अग्रता तेब्बर बनाए । ८० औं मिनेटमा सोक्रेटिसले गोल गर्दै आर्सनलको हार अन्तरलाई घटाउने प्रयास गरेका थिए ।
जितसँगै वुल्भस ३५ खेलबाट ५१ अंक बटुल्दै सातौं स्थानमा पुगेको छ ।
३५ खेल खेलेको आर्सनल ६६ अंकसहित पाँचौं स्थानमा छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
