२९ कार्तिक २०८१, बिहीबार
२०७४ फाल्गुन १४ गते, सोमबार ११:११ मा प्रकाशित
प्रधानमन्त्री केपी शर्मा ओलीले चार मन्त्री थप्दै सोमबार मन्त्रिपरिषद् विस्तार गरेका छन् । यससँगै माओवादी केन्द्र पनि सरकारमा सहभागी भएको छ तर, सरकारले पूर्णता पाउन भने अझै केही समय लाग्ने देखिएको छ ।
माओवादी नेता रामबहादुर थापा बादल गृहमन्त्री बनेका छन् । पूर्वरक्षामन्त्री समेत रहेका बादल माओवादीका वरिष्ठ नेता हुन् र सरकारमा पार्टीको नेतृत्व उनले नै गर्नेछन् । माओवादीमा गृहमन्त्रीका लागि बादलसँगै वर्षमान पुन र जनार्दन शर्मा प्रभाकरले दावी गरेका थिए । माओवादी नेतृत्वले भने बादललाई उपप्रधानसहित एउटा मन्त्रालय दिएर गृहमा अरु पठाउने तयारी गरेको थियो । तर, प्रधानमन्त्री ओलीले उपप्रधानमन्त्री नराख्ने प्रस्ताव अघि सारेपछि बादलले गृह छाडेनन् ।साथै माओवादीबाट मात्रिका यादव पनि मन्त्री बनेका छन् ।
पूर्वगर्भनर बने अर्थमन्न््त्री
यस्तै पूर्वगर्भनर तथा योजना आयोगका उपाध्यक्ष समेत रहेका युवराज खतिवडा अर्थमन्त्री बनेका छन् । खतिवडालाई राष्ट्रियसभा सदस्य समेत मनोनित गरिएको थीयो । तर, सर्वोच्चले अन्तरिम आदेशमार्फत सपथ रोकेको छ । यद्यपि मन्त्री बन्न त्यसले रोकेन ।
एमालेबाट महासचिव ईश्वर पोखरेल पनि बन्त्री बनेका छन् । तर, उनले न उपप्रधानमन्त्री पाए न अर्थ मन्1त्रालय नै । गुटभित्रको संघर्षका कारण पोखरेल रक्षामन्त्री बन्ने पुगे । नवनियुक्त मन्त्रीहरुले सोमबार नै राष्ट्रपतिसमक्ष पद तथा गोपनियताको सपथ लिएका छन् ।
सोमबारको विस्तारसँगै ओली सरकार सात सदस्यीय बनेको छ । लालबाबु पण्डित र थममाया थापा प्रधानमन्त्रीको सपथकै दिन मन्त्री नियुक्त भएका थिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
