१० मंसिर २०८१, सोमबार
२०७६ बैशाख २५ गते, बुधबार १२:३९ मा प्रकाशित
एजेन्सी । प्रिमियर लिग क्लब लिभरपुल च्याम्पियन्स लिगमा अप्रत्यासित नतिजा निकाल्दै फाइनलमा प्रवेश गरको छ । मंगलबार राति भएको खेलमा स्पेनिस क्लब बार्सिलोनालाई ४–० गोल अन्तरले हराउँदै लिभरपुलले समग्रमा ४–३ गोलको नतिजा निकाल्दै फाइनमा स्थान बनाएको हो ।
लिभरपुलले अव बुधबार हुने टोटेनहम र आयाक्सबीचको विजेतासँग फाइनलमा प्रतिस्पर्धा गर्ने छ । घरेलु मैदान एनफिल्डमा भएको खेलमा लिभरपुललाई जित दिलाउन डिभोक ओरिगी र जर्जिनियो वाइनाल्डमले समान २–२ गोल गरे । घरेलु टोली लिभरपुलले खेलको ७ औँ मिनेटमा ओरिगीको गोलबाट सुरुवाती अग्रता बनाएको थियो ।
पहिलो हाफमा १–० गोलको अग्रता बनाएको लिभरपुलले दोस्रो हाफमा थप तीन गोल गरेको थियो । खेलको ५४ औ मिनेटमा वाइनाल्डमले लिभरपुलको अग्रतालाई दोब्बर बनाए । खेकलो ५६ औँ मिनेटमा वाइनाल्डमले व्यक्तिगत दोस्रो गोल गरे । त्यस्तै खेलको ७९ औ मिनेटमा ओरिगीले क्लबका लागि चौथो गोल गर्दै लिभरपुलाई सहज जित दिलाए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
