‘मिस नेपाल २०१९’ को उपाधि अनुष्का श्रेष्ठलाई, के दिइन् जवाफ ?

होमल्याण्ड खबर

२०७६ बैशाख २७ गते, शुक्रबार १०:२७ मा प्रकाशित

हिडन ट्रेजरले आयोजना गरेको सौन्दर्य प्रतियोगिताको २५ औं संस्करण अन्र्तगत  ‘मिस नेपाल २०१९’ को उपाधि अनुष्का श्रेष्ठले जितेकी छन् । 

मिस नेपालको फाइनल प्रतिस्पर्धाका सहभागी २४ सुन्दरीलाई पछि पार्दै अनुष्काले मिस नेपालको उपाधि हात पारेकी हुन् । उनी मिस नेपालमा सहभागी हुन अस्ट्रेलियाको आकर्षक जागिर छाडेर यहाँ आएकी थिइन् ।

मिस नेपालमा सहभागी हुन नेपाल आउनुअघि उनी अस्ट्रेलियाको कमनवेल्थ बैँकमा अडिट एडमिनिस्ट्रेटर रहेकी थिइन्।

अनुष्कालाई मिस नेपाल २०१८ की शृंखला खतिवडाले ताज लगाइदिएकी थिइन् । अनुष्काले अब मिस वल्र्डमा नेपालको प्रतिनिधित्व गर्नेछिन् । 

अनुष्काको यस्तो जवाफ

प्रमुख निर्णायक इला शर्माको प्रश्नमा अनुष्काले अधिकार र कर्तव्य एक सिक्काका दुई पाटा भएको बताउँदै नागरिक, व्यक्ति, साथी र जीवनसाथीले आफ्नो जिम्मेवारीको महसुस गरेमा मात्र अधिकारको भागीदार हुने जबाफ दिएकी थिइन् ।

‘मिस नेपाल यूनिभर्स’ प्रदिप्ता अधिकारी, ‘मिस नेपाल अर्थ’ रिया बस्नेत र ‘मिस नेपाल इन्टरनेशनल’को उपाधि मिरा कक्षपतिले जितेका छन् । यस्तै ‘मिस फ्यासिनो ‘अनुष्का श्रेष्ठ, ‘मिस कन्फिडेन्स’ निशा पाठक र ‘ब्युटी विथ प्रपोज’को उपाधि निकिता कर्माचार्यले जितेका छन् ।

टप ७ मा पुगेका ५ जनालाई उपाधि 

सहभागी २५ सुन्दरीमध्ये टप ७ मा पुगेकामध्ये ५ जनालाई यी उपाधि दिइएको थियो । २५ प्रतिस्पर्धीमध्ये १५ हुँदै अन्तिममा ७ जना छानिएका थिए ।
 

उत्कृष्ट सातमा अनुष्का श्रेष्ठ, रक्षा उप्रेती, रोज लामा, प्रदीप्ता अधिकारी, सोफिया भुजेल, रिया बस्नेत र मीरा कक्षपति पुगेका थिए । 

सम्बन्धित खबर

कमजोरी सच्याउन एमाले तयार छ : शङ्कर पोखरेल

भद्रकालीबाट सुुरु भयो एमालेको र्‍याली

सुदूरपश्चिममा लगानी गर्नुहोस्, हामी पूर्वाधारको व्यवस्था गरिदिन्छौं : मुख्यमन्त्री शाह

छ सय ग्राहकको विद्युत्को लाइन काटिँदै

राष्ट्रपतिद्वारा भारतीय सेना प्रमुखलाई मानार्थ महारथी प्रदान

ग्रेटर नेपालका अभियन्ता नेपाल प्रहरीको नियन्त्रणमा