१ मंसिर २०८१, शनिबार
२०७६ जेष्ठ ५ गते, आईतवार १३:५४ मा प्रकाशित
राष्ट्रिय जनता पार्टी (राजपा) ले महाधिवेशनपछि अध्यक्ष मण्डल नरहने र पार्टीलाई अध्यक्ष प्रणालीमा अगाडि बढाउने निर्णय गरेको छ । पार्टी कार्यालय बबरमहलमा शरत्सिंह भण्डारीको अध्यक्षतामा आइतबार बसेको केन्द्रीय अध्यक्ष मण्डलको बैठकले विधानको धारा ३१(१२) मा महाधिवेशनपछि पनि अध्यक्ष मण्डलको व्यवस्था रहने व्यवस्थाको ठाउँमा महाधिवेशनपछि अध्यक्ष मण्डल नरहने र पार्टी अध्यक्षीय प्रणालीमा अगाडि बढने व्यवस्था गरेको छ ।
बैठकले महाधिवेशन गर्ने मिति पनि एक वर्ष थप गरेको छ । धारा ३१(१०) मा यसअघि पार्टीको महाधिवेशन दुई वर्ष भित्र गरिनेछ भनिएकोमा समयावधि बढाएर तीन वर्ष भित्र गरिने भनिएको छ ।
धारा ३१(७)
मा यसअघि पार्टीको
कुनै पनि तह
वा स्तरमा समितिहरू
बनाउँदा राजपा नेपालमा एकीकृत
६ वटै दलको
सम्बन्धित स्तरका कार्य समितिमा
आपसी सहमतिको आधारमा
मात्रै गठन गर्ने
प्रावधान रहेकोमा सो उपधारा
हटाइएको छ ।
धारा १० (ङ)
मा यसअघि कुनै
पनि तल्लो तहका
निर्वाचित सदस्य, पदाधिकारीहरूलाई माथिल्लो
तहमा उम्मेदवारी दिँदा
आफ्नो तल्लो तहको
पदबाट राजीनामा दिनुपर्ने
व्यवस्था नरहेकोमा अब राजीनामा
दिनु अनिर्वाय गरिएको
छ ।
पार्टीको अध्यक्ष मण्डलको संयोजक चक्रीय प्रणालीअनुसार परिवर्तन हुने प्राबधानअनुसार सोमबारबाट अनिलकुमार झा राजपाको संयोजक हुने निर्णय गरिएको भण्डारीले बताए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
