१० मंसिर २०८१, सोमबार
२०७६ जेष्ठ १५ गते, बुधबार १३:५२ मा प्रकाशित
प्रधानमन्त्री कप एकदिवसीय राष्ट्रिय पुरुष क्रिकेट प्रतियोगितामा प्रदेश २ ले पहिलो जित निकालेको छ । बुधबार कीर्तिपुरस्थित त्रिवि क्रिकेट मैदानमा भएको खेलमा प्रदेश २ ले कर्णालीलाई ९ विकेटले पराजित गर्दै जित निकालेको हो ।
कर्णालीले दिएको ९४ रनको सामान्य लक्ष्य प्रदेश नम्बर २ ले १६ ओभरमा १ विकेट गुमाएर पुरा गर्यो । प्रदेश २ का लागि हरिशंकर साहले ५५, हसिम अन्सारीले १७ तथा रबी साहले अविजित १६ रन बनाए । यसअघि पहिले ब्याटिङ गरेको कर्णालीले ३४ ओभर ४ बलमा अलआउट हुँदै ९३ रन बनाएको थियो ।
प्रकाश जैशीले ३७ र कप्तान रबिन्द्र शाहीले १४ रन जोड्नु बाहेक अन्य खेलाडीले दोहोरो अंक बनाउन सकेनन् । प्रदेश २ का कुमार थापाले ३, रशिद खान, शम्शेद शेख र हरिशंकर शाहले समान २२ विकेट लिए ।
पहिलो खेलमा प्रदेश २ आर्मीसँग १ सय ७१ रनको फराकिलो अन्तरले पराजित भएको थियो । यस्तै, कर्णाली यसअघि पुलिस क्लबसँग पराजित भएको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
