१० मंसिर २०८१, सोमबार
२०७६ जेष्ठ २३ गते, बिहीबार ११:१९ मा प्रकाशित
स्विटजरल्याण्डलाई पराजित गर्दै पोर्चुगल नेसन्स लिग फुटबलको फाईनलमा प्रवेश गरेको छ ।
घरेलु मैदानमा बुधबार राति भएको सेमिफाइनल खेलमा पोर्चुगलले स्वीट्जरल्यान्डलाई ३–१ ले पराजित गर्दै फाइनलमा प्रवेश गरेको हो ।
पोर्चुगलका लागि कप्तान क्रिष्टियानो रोनाल्डोले ह्याट्रिक गरे । स्वीट्जरल्यान्डका लागि रिचार्डो रोड्रिग्वेजले गोल गरे ।
खेलको २५ औं मिनेटमा फ्रिकिकमा गोल गर्दै रोनाल्डोले टिमलाई सुरुवाती अग्रता दिलाएका थिए । ५७ औं मिनेटमा स्विटजरल्याण्डका रिचार्डो रोड्रिग्वेजले पेनाल्टीमा गोल गर्दै खेल बराबरीमा ल्याए । ८८ औ मिनेटमा रोनाल्डोले दोस्रो गोल गर्दै पोर्चुगललाई २–१ गोलको अग्रता दिलाएका थिए ।
त्यस्तै, ९० औं मिनेटमा अर्को गोल गर्दै रोनाल्डोले ह्याट्रिक पूरा गर्दै पोर्चुगललाई ३–१ गोलको जित दिलाउँदै फाइनलमा पुर्याए ।
पोर्चुगलले उपाधिका लागि अब बिहिबार हुने इंग्ल्यान्ड र नेदरल्यान्ड्सबीचको विजेतासँग प्रतिस्पर्धा गर्नेछ । फाईनल खेल आईतबार पोर्टोमा हुनेछ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
