नेपाल वायुसेवा निगमको व्यवस्थापनमाथि सरकारको विश्वास छैनः प्रधानमन्त्री ओली

होमल्याण्ड खबर

२०७६ असार १६ गते, सोमबार १६:४४ मा प्रकाशित

प्रधानमन्त्री केपी शर्मा ओलीले नेपाल वायुसेवा निगमको व्यवस्थापनमाथि विश्वास नभएको बताएका छन् ।

निगमको ६१ औं वार्षिकोत्सवको अवसर पारेर सोमबार काठमाडौंमा आयोजित कार्यक्रममा बोल्दै प्रधानमन्त्री ओलीले ३७ अर्ब घाटामा रहेको नेपाल वायुसेवा निगमको व्यवस्थापनमाथि सरकारको विश्वास नरहेको बताएका छन् ।

साथै उनले नेपाल वायुसेवा निगमको सबै प्रकारको कामकारबाहीमा सुधार नभएको खण्डमा सरकार निगम सञ्चालनार्थ रणनीतिक साझेदार खोज्न बाध्य हुने बताएका छन् ।

वाइडबडी विमान चलाउनका लागि गन्तव्यको खोजी गर्न नसकेको भन्दै प्रधानमन्त्री ओलीले निगमले विमान सञ्चालन गर्न नसकेकोमा आक्रोश व्यक्त गरेका छन् ।

“निगममा रु ३७ अर्ब घाटा के कारणले, कसरी हुनपुग्यो, गम्भीर समीक्षा हुन जरुरी छ, कतै निगमकै कमजोरीका कारण यो अवस्था आएको हो कि ? अहिलेको सरकार चर्चा परिचर्चाबाट प्रेरित हुँदैन, जहाज किनेर त्यसै लडाउन ? मैदानभरि जहाज छन् तर आकासमा उड्दैनन् यस्तो अवस्था सधैँ रहिरहनु उचित हुन्न” भन्दै प्रधानमन्त्री ओलीले असन्तुष्टि पोखेका छन् ।

सम्बन्धित खबर

समानुपातिकतर्फ ५१ दलले कटाएनन् ‘थ्रेस होल्ड’

सुनको मुल्य तोलाको दुई हजारले बढ्यो

सुर्खेतमा १६ वर्षीया किशोरीको बलात्कारपछि हत्या, चार जना पक्राउ

रास्वपाले कटायो समानुपातिकमा ५० लाख, अन्य दलको कति?

गोरखा- १ मा सुधन गुरुङको दोब्बर मतको अग्रता कायमै

जाँचबुझ आयोगले सरकारलाई प्रतिवेदन बुझायो