२ मंसिर २०८१, आईतवार
२०७६ असार २७ गते, शुक्रबार १०:४९ मा प्रकाशित
प्रमुख प्रतिपक्षी दल नेपाली कांग्रेस केन्द्रीय कार्यसमितिको बैठक आजदेखि पार्टी केन्द्रीय कार्यालय सानेपामा बस्दैछ ।
आइतबार केहीबेर मात्र बसेर स्थगित भएको कांग्रेसको केन्द्रीय कार्यसमितिको बैठक आज दिउँसो १ बजेदेखि बस्न लागेको हो ।
बैठकमा पार्टी संगठनलाई संघीय संरचनाअनुरुप विस्तारका लागि आवश्यक निर्णय गर्ने, पार्टीको १४ औं महाधिवेशन सम्बन्धी निर्णय गर्ने, लथालिङ्ग अवस्थामा रहेका भातृसंस्थाहरुबारे कसरी अघि बढ्ने भन्ने विषयमा पनि छलफल हुने बताइएको छ ।
यसैगरी जागरण अभियानको प्रथम चरणको समीक्षा र भदौ २४ बाट सुरु हुने दोस्रो चरणको कार्यक्रमबारे समेत छलफल हुनेछ ।
त्यस्तै बैठकमा समसामयिक राजनीतिक घटनामक्रम र सरकारको कार्यशैलीबारे पनि छलफल हुने स्रोतले जनाएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
