यी हुन् विप्लवसँग वार्ता गर्ने नेकपा ‘कमाण्डर’

होमल्याण्ड खबर

२०७६ श्रावण ३ गते, शुक्रबार १३:०० मा प्रकाशित

सरकारद्वारा प्रतिवन्धित पार्टी नेत्रविक्रम चन्द विप्लव नेतृत्वको नेकपासँग सत्तारुढ दल नेकपाले वार्ता थालेकाे छ।  विप्लवलाई मूलधारको राजनीतिमा ल्याउनका लागि सरकार र नेकपाका नेताहरुले टीम नै बनाएर विप्लव समूहका नेताहरुसँग छलफल शुरु गरिसकेका छन् ।

विप्लव समूहसँग वार्ताका लागि नेकपाका हाइकमाण्ड नेताहरुले समूह(समूह बनाएका छन् । जसअनुसार नेकपाका अध्यक्ष तथा प्रधानमन्त्री केपी शर्मा ओलीले महासचिव विष्णु पौडेल र कर्ण थापालाई खटाएका छन् । त्यस्तै नेकपाका अर्का अध्यक्ष प्रचण्डले जनार्दन शर्मा, लेखराज भट्ट र अग्निप्रसाद सापकोटालाई खटाएका छन् ।

त्यस्तै नेकपाका वरिष्ठ जेता माधवकुमार नेपालले तत्कालिन वार्ता टोलीका संयोजकसमेत रहेका सोमप्रसाद पाण्डेलाई खटाएका छन् । त्यसोत गृहमन्त्री रामबहादुर थापा बादलले राजनीतिक सल्लाहकार सुर्य सुवेदी पथिकलाई खटाएका छन् । गृहमन्त्री थापा आफै पनि विप्लवसँग वार्ताको लागि सक्रिय भएका छन् । शीर्ष नेताले खटाएका टोलीले विप्लव समूहसँग केहि छलफलसमेत गरेका छन् । तर उनीहरुले विप्लवसँग भने वार्ता गर्न सकिरहेका छैनन् । 

नेकपाका प्रवक्ता नारायणकाजी श्रेष्ठले विप्लवबारे पार्टीभित्र छलफल नभएपनि उनलाई मिलाउनका लागि सबै लागि परेको बताए । उनले हत्या हिंसा भन्दा पनि वार्ताबाटै समस्याको समाधनका लागि पहल भइरहेको बताए । वार्ताबाट सहमति हुने विषय भएकाले पार्टीले कुनै निर्णय नगरेको उनले बताए ।

सम्बन्धित खबर

फेरि संसद विघटन गर्ने कोसिस हुन सक्छ : प्रचण्ड

प्रधानमन्त्री पहिले चीन जानु अपरिपक्वताको प्रमाण : प्रचण्ड

दार्चुला जीप दुर्घटना : आठ जनाको मृत्यु

आज पनि ह्वात्तै घट्यो सुनको मूल्य, कतिमा हुँदैछ कारोबार ?

आत्मसमीक्षासहित अब कहिल्यै नझुक्किने प्रण गरेको छु : बाबुराम भट्टराई

सांसद दीपक मनाङेलाई सीआईबी लगियो