नेपाली कांग्रेसद्वारा प्रतिनिधिसभामा सार्वजनिक महत्वको प्रस्ताव दर्ता

होमल्याण्ड खबर

२०७६ श्रावण ८ गते, बुधबार १५:५६ मा प्रकाशित

बाढी, पहिरो र डुबान प्रभावित क्षेत्रमा उद्धार एवं राहतबारे छलफल गर्न नेपाली कांग्रेसले संयुक्त रुपमा प्रतिनिधिसभामा जरुरी सार्वजनिक महत्वको प्रस्ताव दर्ता गरेको छ । आज नेपाली कांग्रेसका सांसद डा. मीनेन्द्र रिजालले उक्त प्रस्ताव दर्ता गराएका हुन् । प्रस्तावमा राजपा सांसद राजकिशोर यादव र कांग्रेस सांसद पुष्पा भुसालले समर्थन जनाएका छन् । वर्षाबाट मुलुकभरी भएको धनजनको क्षति र त्यसमा आहत भएका सर्वसाधारणलाई अल्पकालीन र दीर्घकालीन उचित राहत दिनुपर्ने भएकोले प्रस्ताव दर्ता गरिएको उल्लेख गरिएको छ ।

नेपाली कांग्रेस संसदीय दलले पनि विषम विपदको अवस्थामा संसदमा छलफल गर्न संसदको अन्य विषयलाई स्थगन गरी जरुरी सार्वजनिक महत्वको प्रस्ताव अगाडी बढाउन गरेको प्रयासलाई सत्ता पक्षले सकारात्मक रुपले नलिएको बताउँदै बुधबार बस्ने संसदको कार्यसूचीबाट अन्य विषय हटाई अविरल वर्षा, बाढी पहिरो, जल डुवानबाट उत्पन्न विपदका बारेमा छलफल गर्न नेपाली कांग्रेस र राष्ट्रिय जनता पार्टीले जरुरी सार्वजनिक महत्व प्रस्ताव प्रस्तुत गरेको बताएको छ ।

नेपाली कांग्रेस संसदीय दलको प्रेस विज्ञप्ति

सम्बन्धित खबर

फेरि संसद विघटन गर्ने कोसिस हुन सक्छ : प्रचण्ड

प्रधानमन्त्री पहिले चीन जानु अपरिपक्वताको प्रमाण : प्रचण्ड

दार्चुला जीप दुर्घटना : आठ जनाको मृत्यु

आज पनि ह्वात्तै घट्यो सुनको मूल्य, कतिमा हुँदैछ कारोबार ?

आत्मसमीक्षासहित अब कहिल्यै नझुक्किने प्रण गरेको छु : बाबुराम भट्टराई

सांसद दीपक मनाङेलाई सीआईबी लगियो