२ मंसिर २०८१, आईतवार
२०७६ श्रावण २० गते, सोमबार १०:१७ मा प्रकाशित
प्रतिनिधि सभाको बैठक आज बस्दैछ । बैठक विहान ११ बजेका लागि बोलाइएको छ । प्रतिपक्षी दल नेपाली कांग्रेस र राष्ट्रिय जनता पार्टीको अवरोधकाबीच बैठक बस्न लागेको हो ।
सभामुख कृष्णबहादुर महराले संसदको गतिरोध अन्त्यका लागि बारम्बार गरेको प्रयास असफल भइरहँदा संसद बैठक बस्न लागेको हो ।
सर्लाहीमा भएका फरक प्रकृतिका घटनामा प्रहरीको गोली लागेर २ जनाको मृत्यु भएको सम्बन्धमा संसदीय छानविनको माग गर्दै प्रतिपक्षी नेपाली कांग्रेस र राजपाले बैठक अवरुद्ध गर्दै आएका छन् ।
सभामुख महरासँगको छलफलमा दलहरु गतिरोध अन्त्यका लागि सकारात्मक देखिए पनि अवरोध खुल्ने गरि भने सहमति भएको छैन ।
गतिरोध अन्त्यका लागि कांग्रेसले आज पनि आन्तरिक छलफल गर्दैछ । संसद बैठक बस्नु अघि थप छलफल गर्दै निकास दिने सचेतक पुष्पा भुषालले जानकारी दिइन् ।
उता राजपा सांसद लक्ष्मणलाल कर्णले माग सम्बोधन नभएसम्म संसदको गतिरोध अन्त्य नहुने बताए ।
कांग्रेस र राजपाको लगातारको नाराबाजी पछि गत साउन १३ र १५ गतेको बैठक कार्यसूचीमा प्रवेश नगरि स्थगित भएको थियो भने गत बिहीबारको बैठक सूचना टाँसेर आजसम्मका लागि स्थगित गरिएको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
