२ मंसिर २०८१, आईतवार
२०७६ भाद्र १९ गते, बिहीबार ११:१७ मा प्रकाशित
तत्कालीन एमालेका पूर्व सांसद डोलबहादुर (डीबी) कार्की प्रहरीको नियन्त्रणमा परेका छन् ।
प्रहरी निरीक्षक बनाउँछु भन्दै घुस खाएर भागेको आरोप लागेका उनलाई बिहीबार बिहान काठमाडौंको कलंकी आसपास क्षेत्रबाट सीआईबीको टोलीले पक्राउ गरेको हो ।
उनी नौ वर्ष पहिले घुससहित पक्राउ परेका थिए । लमजुङबाट तत्कालीन एमालेका समानुपातिक सांसद कार्कीलाई सर्वोच्च अदालतले गत असारमा दोषी ठहर गरेको थियो ।
सर्वोच्चका न्यायाधीशद्वय दीपककुमार कार्की र कुमार रेग्मीको संयुक्त इजलाशले असार १७ गते मंगलबार विशेष अदालतको फैसलालाई सदर गरेको थियो ।
पूर्वसांसद कार्की र स्वामी ब्रम्हानन्द उदासीन २०६७ भदौमा चार लाख घुस रकमसहित पक्राउ परेका थिए ।
प्रहरी निरीक्षकमा भर्ना गर्न भनेर लिएको घुस रकममध्ये एक लाख रुपियाँ प्रहरीले स्वामीको घरबाट बरामद गरेको थियो । उनलाई सर्वोच्चले दोषी ठहर गरेपछि भागेका थिए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
