बनेपामा स्थानीयवासीकोे सुरक्षामा बस सञ्चालन

होमल्याण्ड खबर

२०७४ चैत्र १९ गते, सोमबार ०७:३२ मा प्रकाशित

बनेपामा स्थानीयवासीकोे सुरक्षामा बस सञ्चालन भएको छ ।
विभिन्न ११ वटा यातायात समितिले सिन्डिकेटको माग गर्दै सवारीसाधन सञ्चालनमा अवरोध गरेपछि स्थानीयले सुरक्षा दिएका हुन् । आइतबार घोषणा गरेअनुसार नै सिन्डिकेटको पक्षमा रहेका यातायात समितिले सोमबार मयुर यातायातका बसहरु सञ्चालनमा अबरोध गरेका लगातै बस रोकिएकै ठाउँका स्थानीयवासी र यात्रुहरुले सुरक्षा दिएर बस सञ्चालनमा ल्याएका छन् ।
बनेपाको जनागालमा यातायात समितिको अबरोधमा परेको बसलाई स्थानीयवासीले सुरक्षा दिएर गन्तव्यसम्म लगेका छन् । अबरोधपछि चालक र सहचालक बस छोडेर हिँडेका थिए तर, यात्रु र स्थानीयको सहयोगपछि बस सञ्चालनमा आएको हो ।
काभ्रे प्रहरीले पनि सिन्डिकेट तोड्न भन्दै बस सञ्चालनमा अबरोध गर्न दिएको छैन । जिल्लाका ग्रामीण क्षेत्रमा पनि सिन्डिकेटको पक्षमा रहेका यातायात समितिले अबरोध गरेका छन् ।

सम्बन्धित खबर

लैङ्गिक हिंसा रोकथाम गर्न मन्त्रालयको सक्रियता

प्रदेशसभा सदस्य गौचनको निधनप्रति कांग्रेसद्धारा दुःख व्यक्त

रुपन्देहीमा रवि लामिछानेसँग तेस्रो दिन पनि बयान जारी

न्याय सेवाका ५ उपसचिवसहित ४४ अधिकृतको सरुवा

८ करोडको लागतमा त्रिशूलीमा नयाँ पुल निर्माण

आज पनि ह्वात्तै घट्यो सुनको मूल्य, कतिमा हुँदैछ कारोबार ?