११ मंसिर २०८१, मंगलवार
२०७६ आश्विन ७ गते, मंगलवार १०:११ मा प्रकाशित
नेपालमा जारी तेस्रो संस्करणको साफ यू–१८ च्याम्पियनसिप फुटबलमा आज मंगलबार भुटान र माल्दिभ्सबीच प्रतिस्पर्धा हुँदैछ । हलचोकस्थित शसस्त्र प्रहरी बल एपीएफको मैदानमा हुने भुटान र माल्दिभ्सबीचको खेल दिउँसो ३ बजे सुरु हुनेछ ।
भुटान यस अघि नै सेमिफाइनल पुगिसकेको छ । अब माल्दिभ्स र नेपाल मध्ये एक टिम सेमिफाइनलमा पुग्नेछन् । आजको खेलमा माल्दिभ्सले भुटानलाई हराउँदै सेमिफाइनलमा पुग्न चाहन्छ ।
समूह ए मा रहेको भुटान र माल्दिभ्सबीचको खेल नेपालका लागि सबैभन्दा बढी महत्वपूर्ण रहेको छ । यस खेलले नेपालको सेमिफाइनल समिकरण तय हुनेछ । नेपालको सेमिफाइनल सम्भावना अंक गणितीय रुपमा बाँकी रहेको छ । यदि माल्दिभ्स र भुटान बराबरीमा रोकिएमा नेपाल समूह चरणबाटै आउट हुनेछ ।
नेपाल सेमिफाइनल पुग्ने सम्भावना भने झिनो जस्तै रहेको छ । नेपाल सेमिफाइनल पुग्न भुटानले माल्दिभ्सलाई कम्तीमा ४–० गोलको जित निकाल्नु पर्ने हुन्छ ।
एक खेल खेलेको भुटानको ३ अंक रहेको छ । एक नै खेल खेलेको माल्दिभ्सको १ अंक रहेको छ । दुई खेल खेलेको आयोजक नेपालको १ अंक रहेको छ ।
प्रतियोगिताको उद्घाटन खेलमा माल्दिभ्ससँग १–१ गोलको बराबरी खेलेको नेपाल दोस्रो खेलमा भुटानसँग ३–० गोलले पराजित भएको थियो ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
