११ मंसिर २०८१, मंगलवार
२०७६ आश्विन २९ गते, बुधबार ०८:०८ मा प्रकाशित
विश्वकप २०२२ को छनोट चरण अन्तर्गत दोस्रो चरणको चौथो खेलमा नेपाल जोर्डनसँग पराजित भएको छ ।
अम्मान अन्तराष्ट्रिय रंगशालामा मंगलबार राति भएको खेलमा नेपाल बलियो टिम जोर्डनसँग ३–० ले पराजित भएको हो ।
जोर्डनका लागि फेरास शेल्बाइह, अहमेद अल इर्सान र बाहा फैसलले एक एक गोल गरे ।
खेलको ५६ औं मिनेटमा फेरासले पेनाल्टीमा गोल गर्दै जोर्डनलाई अग्रता दिलाएका थिए । ८७ औं मिनेटमा अहमेदले गोल गर्दै जोर्डनलाई दोब्बर अग्रता दिलाए । त्यसपछि ८८ औं मिनेटमा फैसलले हेड गोल गर्दै जोर्डनलाई ३–० को सहज जित दिलाए ।
हारसँगै नेपालले चार खेलबाट तीन खेलमा हार र एक खेलमा जित हात पार्दै तीन अंक बनाएर समूह ‘बी’ को चौथो स्थानमा छ ।
विजेता जोर्डनको भने तीन खेलबाट दुई खेलमा जित र एक खेलमा बराबरीसहित सात अंक भएको छ ।
त्यस्तै, मंगलबार राति नै भएको अर्को खेलमा अष्ट्रेलियाले चाइनिज ताइपेईलाई ७–१ ले पराजित गरेको छ ।
अष्ट्रेलिया ३ खेलमा ९ अंक जोडेर शीर्ष स्थानमा रहेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
