११ मंसिर २०८१, मंगलवार
२०७६ आश्विन २९ गते, बुधबार १२:५७ मा प्रकाशित
एजेन्सी । तीन पटकको च्याम्पियन स्पेन स्वीडेनसँगको बराबरी नतिजासँगै युरो कपमा छनोट भएको छ । समूह एफ अन्तर्गतको खेलमा स्वीडेनसँग १–१ को बराबरीमा रोकिए पनि स्पेन युरोकपमा छनोट भएको हो । स्वीडेनको मैदानमा सुरुआती अग्रता अन्तिम समयमा बराबरी पार्दै स्पेन छनोट भएको छ ।
पहिलो हाफ गोलरहित बराबरी भएपनि ५० औं मिनेटमा घरेलु टोली खेलमा अग्रता बनाएको थियो । स्वीडेनका मार्कुस बर्गले गोल गरेका थिए । तर खेलको इन्जुरी समयमा स्पेनका रोड्रिगोले गोल फर्काउँदै टोलीलाई हारबाट जोगाए ।
छनोट भएको स्पेनले ८ खेलबाट २० अंक जोडेको छ । स्वीडेनले ८ खेलबाट १५ अंक जोडेको छ । स्पेन यूरो क्वालिफायर हुने छैटौँ टिम हो । बेल्जियम, इटाली, रुस, पोल्यान्ड र युक्रेन पनि छनोट भइसकेका छन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
