९ मंसिर २०८१, आईतवार
२०७५ बैशाख २ गते, आईतवार ०५:४६ मा प्रकाशित
नारायणगढ–मुग्लिन सडकखण्ड आजदेखि पुनः ६ घण्टा बन्द भएको छ । आजदेखि पुनः विहान १० बजेदेखि दिउँसो ४ बजेसम्म सडक बन्द गरी निर्माणको कामलाई निरन्तरता दिइएको जनाएको छ । निर्माण पूरा हुन १२ प्रतिशत काम बाँकी रहेको काम सम्पन्न गर्नक लागि हिजो एकदिन पुरा खुला गरे पनि आज भने पुरै ६ घण्टा बन्द हुने छ । आयोजनाले शनिवार एकदिन नयाँ वर्षका लागि भनेर दिनभर सडक खुल्ला गरेको थियो ।
आज विहान १० बजेअघि जुगेडी पार गरिसकेका सवारी साधनलाई जान दिइएको छ । नारायणगढबाट जाने सवारी साधानलाई जुगेडी, भतेरीको जंगल रामनगर र आँपटारीमा रोकिएको छ भने, मुग्लिनबाट आउने सवारी साधनलाई मुग्लिन, आँबुखैरहनीका विभिन्न क्षेत्रमा रोकिएको छ । सडकको हालसम्म ८८ प्रतिशत काम सकिएको छ । आगामी मे ३० तारीखसम्म निर्माणको काम सकिसक्ने गरी अन्तिम समयावधि थप गरिएको छ ।भरतपुरको आँपटारीबाट मुग्लिनसम्म ३३.२ किलोमिटर रहेको सडकको २८.५ किलोमिटर सडक पहिलो तह पिच भैसकेको छ । दोस्रो तह २५ किलोमिटर र तेस्रो तह ५.५ किलोमिटर पिच भएको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
