२ मंसिर २०८१, आईतवार
२०७६ पुष १४ गते, सोमबार ११:४९ मा प्रकाशित
आइतबार प्रहरीद्वारा नियन्त्रणमा लिइएका नेकपा क्रान्तिकार माओवादीका नेता सिपी गजुरेल सोमबार रिहा भएका छन् ।
भारतले सीमा मिचेको सन्भर्दमा उपप्रधान तथा रक्षामन्त्री ईश्वर पोखरेललाई ज्ञापन पत्र बुझाउनका लागि सिंहदरवारतर्फ जान लाग्दा बिजुलीबजारबाट प्रहरीद्वारा नियन्त्रणमा लिइएका गजुरेल सोमबार रिहा भएका हुन् ।
गजुरेलसँगै प्रहरीले नियन्त्रणमा लिएका अन्य १५ जना पनि रिहा भएका छन् ।
कालापानी, लिपुलेक, लिम्पियाधुरालगायत भारतले मिचेका सीमा क्षेत्रको विषयमा ज्ञापन पत्र बुझाउनका लागि समय लिएर जान लागेको भएपनि आफूलाई नियन्त्रणमा लिएको भन्दै गजुरेलले आपत्ति जनाए ।
सरकारले आफूलाई नियोजित रुपमा नियन्त्रणमा लिएको गजुरेलको भनाइ छ ।
आफूले उपप्रधानमन्त्री पोखरेल र गृहमन्त्री रामबहादुर थापा (बादल)लाई ज्ञापन पत्र बुझाउन लागेको विषयमा पूर्व जानकारी गराएको भएपनि नियोजित रुपमा नियन्त्रणमा लिने काम भएको गजुरेलले आरोप लगाए ।
सीमा मिचिको विषयमा ध्यानाकर्षण गराउँदा समेत आफूलाई नियन्त्रणमा लिइएको भन्दै गजुरेलले सरकार फासीवादतर्फ उन्मुख भएको आरोप समेत लगाए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
