१० मंसिर २०८१, सोमबार
२०७६ माघ २९ गते, बुधबार १५:४० मा प्रकाशित
सहिद स्मारक ’ए’ डिभिजन लिग फुटबलमा जावलाखेल युथ क्लब र हिमालयन शेर्पा क्लबले बराबरी खेल्दै अंक बाडेका छन् । सातदोबाटा स्थित एन्फा कम्प्लेक्समा बुधबार जावलाखेल र शेर्पाले ३–३ गोलको बराबरी खेलेका हुन् ।
खेलमा सुरुवाती अग्रता शेर्पाले बनाएतापनि खेल भने बराबरिमा नै टुङगिएको हो । पाँचौं मिनेटमा स्टेफेनले गोल गर्दै शेर्पालाई सुरुवाती अग्रता दिलाएका थिए, यस्तै २६ औं मिनेटमा विजयले गोल गर्दै शेर्पालाई २–० को अग्रता दिलाए । तर, पहिलो हाफको इन्जुरी समयमा जावलाखेलका कुबेरले गोल गर्दै खेल २–१ मा ल्याए । त्यसको केहि मिनेटपछि स्टेफेनले व्यक्तिगत दोस्रो गोल गर्दै शेर्पालाईस् ३–१ को अग्रता दिलाए ।
दोस्रो हाफमा भने जावलाखेलले उत्कृष्ट पुनरागमन गर्यो । खेलको ६० औं मिनेटमा फोफानाले हेड गोल गर्दै खेल ३–२ को स्थितिमा ल्याए । त्यसपछि पाएको फ्रिकिकमा रुप बहादुरले ७० औं मिनेटमा उत्कृष्ट गोल गर्दै खेल ३(३ को बराबरीमा ल्याउदै जावलाखेलको हार टारेका थिए । बराबरीसँगै जावलाखेलले १२ खेलमा १९ अंक जोडेको छ । जावलाखेल लिगको पाँचौं स्थानमा रहेको छ ।
लिगको १२ खेलमा ११ जोडेको शेर्पा ११ औं स्थानमा रहेको छ ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
