३ मंसिर २०८१, सोमबार
२०७६ फाल्गुन ११ गते, आईतवार १६:०९ मा प्रकाशित
सत्तारुढ दल नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले निवर्तमान सञ्चारमन्त्री गोकुल बाँस्कोटाको अडियो प्रकरणबारे अख्तियार दुरुपयोग अनुसन्धान आयोग छानबिन गर्ने बताएका छन् ।
आइतवार मिथिला परिक्रमाको उद्घाटन गर्दै उनले उक्त विषयमा लेखा समितिमा पनि छलफल भइरहेको बताए । सेक्युरिटी प्रिन्टिङ प्रेस खरिदका विषयमा आएको अडियोसँग जोडिएका हरेक विषयमा सम्बन्धित सबैको छानबिन हुने पनि उनको भनाइ थियो ।
उनले कम्युनिस्टहरु सत्तामा गएपछि बिचलन आउने गरेको बताए । केही दिनअघि भक्तपुरको एउटा कार्यक्रममा कम्युनिस्टको चरित्रबारे बेलेको विषयबारे समेत उनले प्रष्टीकरण समेत दिए । प्रचण्डले सत्तामा हुँदा कम्युनिष्ट नराम्रो हुने संसारभरको कुरा बोलेको दाबी गर्दै नेकपाको बारेमा मात्र कुरा गनरेको प्रष्टाए ।
फरक प्रसंगमा प्रचण्डले प्रदेश २ को सरकारमा पार्टी सहभागी हुन कुराकानी थालिएको खुलासा गरे । उनले प्रदेश २ को सरकारमा सहभागी हुनका लागि नेकपाले सत्तासीन दल समाजवादी पार्टी र राष्ट्रिय जनता पार्टी(राजपा) सँग कुराकानी गरिरहेको बताए ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
