घुस मागेको अडियो बाहिरिएसँगै गोकुल बाँस्कोटाविरुद्ध भक्तपुरमा सामाजिक बहिस्कार सुरु

होमल्याण्ड खबर

२०७६ फाल्गुन १३ गते, मंगलवार १३:४६ मा प्रकाशित

सेक्युरिटी प्रिन्टिङ प्रेस खरिद प्रक्रियामा ७० करोड रुपियाँभन्दा बढि घुस मागेको अडियो बाहिरिएसँगै राजीनामा दिएका निवर्तमान सुचना तथा सञ्चार प्रविधिमन्त्री गोकुल बास्कोटाविरुद्ध भक्तपुरमा सामाजिक बहिस्कार अभियान सुरु गरिएको छ । स्थानीयको विरोधकै कारण प्रधानमन्त्रीको निजी निवास बालकोटमा बस्दै आएको बाँस्कोटा लोकन्थलीस्थित आफ्नो निजी निवासमा सर्न बाध्य भएको बेला लोकन्थलीका स्थानीयले पनि विरोध सुरु गरेका छन् । बाँस्कोटासहित सबै भ्रष्टहरुलाई सामाजिक बहिस्कार गरौं भन्दै स्थानीयले माइकिङ गर्दै घरघर गएर स्थानीयलाई जगाउन थालेको भिडियोमा देख्न सकिन्छ । बालकोटकै एक स्थानीय हिरामायाले बाँस्कोटा जस्ता भ्रष्टहरुलाई टोलमा राख्न नहुने भन्दै टोलकै मानिसहरु सडकमा उत्रिए पनि प्रधानमन्त्री निवास घेरेर बाँस्कोटालाई बस्न नदिएको कुरा भने सत्य नभएको बताइन् ।

अहिले प्रधानमन्त्री ओलीको निजी निवासमा नरहेको बताउँदै संभवतः स्थानीयकै विरोधका कारण अन्यत्र बसेको हुनसक्ने बताइन् । लोकन्थलीस्थित आफ्नो घरको तला थप्दै आएको बाँस्कोटा अहिले आफ्नो घरमा पनि नरहेको त्यहाँका एक स्थानीयको भनाई छ । उनले आफूहरुले यसअघि पटक पटक बाँस्कोटा आउने गरे पनि अडियो प्रकरण बाहिर आएपछि उनलाई नदेखेको बताए । सामाजिक बहिस्कारमा उत्रिएका भक्तपुरका बासिन्दाले आफूहरु बाँस्कोटालाई मात्रै नभएर भ्रष्टाचारमा संलग्न शेरबहादुर देउवा, केपी ओलीलगायतका सबै नेताविरुद्ध उत्रिएको बताएका छन् ।

सम्बन्धित खबर

बाइडेनद्वारा युक्रेनलाई रुसभित्र मिसाइलहरू प्रहार गर्न अनुमति

पूर्वसभामुख ढुंगानाको निधनको शोकमा आज सार्वजनिक बिदा दिने सरकारको निर्णय

मुख्यसचिव अर्यालले दिए राजीनामा

भ्रष्टाचारमा सफाइ पाएपछि योजना आयोगमा हाजिर भए वैकुण्ठ अर्याल

खानेपानीकाे पाइप फुटेकाे ठाउँमा तत्काल जडान गर्न मन्त्रीको निर्देशन

टेलिकमको सुन्धारा शाखामा आजदेखि ‘मैना’ रोबर्टबाट सेवा सुरू