३ मंसिर २०८१, सोमबार
२०७६ फाल्गुन १३ गते, मंगलवार १४:५४ मा प्रकाशित
संघीय समाजवादी पार्टीकी सांसद सरिता गिरीले कम्युनिष्ट पार्टी कमिसनवाद विना नचल्ने बताएका छन् ।
प्रतिनिधिसभाको शून्य समयमा बोल्दै सांसद गिरीले कम्युनिष्ट सरकार पार्टी कमिसनवाद विना नचल्ने कुराको निर्वर्तमान सञ्चार मन्त्रीको ७० करोड कमिसनबाट प्रमाणित हुने बताए ।
‘नेकपाका जसले गरे पनि त्यो शोषित र सर्वहाराको नाममा हुने,’ उनले भनिन्, ‘तर अन्यले गरे भ्रष्टाचार हुने ?’ उनले नेकपाका मेयरदेखि मन्त्री र प्रधानमन्त्रीसम्म भ्रष्टाचारमा लिप्त भएको आरोप लगाइन् ।
उनले निर्वर्तमान सञ्चार मन्त्रीको भ्रष्टाचारको विषयमा प्रधानमन्त्रीले सदनमा जवाफ दिनु पर्ने बताइन् ।
निर्वर्तमान सञ्चारमन्त्री गोकुल बास्कोटाको राजीनामापश्चात अख्यितारले छापा मारेको बताउँदै अख्तियारले बाँस्कोटालाई सत्य तथ्य छानबिन नगरी उनलाई बचाउ गर्ने उद्देश्यले सम्पूर्ण कागजात गायब गरेको आरोप लगाइन् । ‘अख्तियारले गोकुल बाँस्कोटाको घरमा किन छापा मार्दैन’ उनले भनिन्, ‘अन्यको हकमा अनुसन्धान गर्ने अख्तियारले उनलाई पनि अनुसन्धान गर्नु पर्दछ ।’
उनले संसदीय समिति गठन गरी छानबिन गर्ने समेत बताइन् ।
होमल्याण्ड मिडिया दशक पुरानो संचार संस्था हो । रियल स्टेट तथा सहरीकरणका बिषयमा केन्द्रित यस संस्थाले म्यागेजिन,बुकलेट प्रकाशन, अडियो—भिडियो, इभेन्ट...Read More
